నేను డకౌట్ అయితే.. యువీ సంతోషించాడు: యువ ఓపెనర్

జింబాబ్వేతో జరిగిన తొలి టీ20 లో డకౌట్ కావడంపై తన మెంటార్ యువరాజ్ సంతోషించాడని యువ ఒపెనర్ అభిషేక్ శర్మ తెలిపారు. ‘ఇది మంచి ఆరంభం’ అని వెల్లడించాడని పేర్కొన్నారు. జింబాబ్వేతో జరిగిన తొలి మ్యాచ్ లో అరంగేట్రం చేసిన అభిషేక్ డకౌట్ అయ్యాడు.

శనివారం జరిగిన ఈ మ్యాచ్ లో మెన్ ఇన్ బ్లూ 13 పరుగుల తేడాతో ఓడిపోయింది. కానీ తరువాత జరిగిన రెండో టీ20లో అభిషేక్ శర్మ చెలరేగిపోయాడు. కేవలం 47 బంతుల్లో సెంచరీ చేశాడు. మొదటి మ్యాచ్ లో డకౌట్ అయిన బాధను రెండో టీ20లో సెంచరీ చేయడం ద్వారా తీర్చుకున్నాడు.