బంగాళాఖాతంలో అల్పపీడనం, తెలంగాణలో 7 రోజులపాటు విస్తారంగా వర్షాలు

తెలంగాణ రాస్ట్రంలో సోమవారం నుంచి రాగల ఏడు రోజుల పాటు తేలికపాటి నుంచి ఒక మోస్తరు వర్షాలు కురుస్తాయని హైదరాబాద్ వాతావరణ కేంద్రం సీనియర్ శాస్త్రవేత్త డాక్టర్ ఆకాశపు ధర్మరాజు ‘ఫెడరల్ తెలంగాణ’కు చెప్పారు. సెప్టెంబరు 22 వతేదీ నుంచి 28వతేదీ వరకు వర్షాలు విస్తారంగా కురవవచ్చని ఆయన తెలిపారు. సోమవారం కొమురం భీం ఆసిఫాబాద్, మంచిర్యాల, నిర్మల్, నిజామాబాద్, జయశంకర్ భూపాలపల్లి, సూర్యాపేట, మహబూబాబాద్, వరంగల్, హన్మకొండ, జనగాం, సిద్ధిపేట జిల్లాల్లో భారీవర్షాలు కురిసే అవకాశముందని ధర్మరాజు తెలిపారు. ఈ సందర్భంగా 11 జిల్లాల్లో ఎల్లో అలర్ట్ ప్రకటించామని ఆయన చెప్పారు. ఉరుములు, మెరుపులతో వర్షంతోపాటు ,గంటకు 30 నుంచి 40 కిలోమీటర్ల వేగంతో ఈదురుగాలులు వీచే అవకాశం ఉందని ఆయన వివరించారు. సెప్టెంబరు 23,24, 25,26,27,28తేదీల్లో అక్కడక్కడా మోస్తరు నుంచి భారీవర్షాలు కురిసే అవకాశం ఉందని చెప్పారు.

హైదరాబాద్ నగరంలో రాగల 24 గంటల్లో తేలికపాటి నుంచి ఒక మోస్తరు వర్షాలు, ఉరుములతో కూడిన జల్లులు పడతాయని డాక్టర్ ఎ ధర్మరాజు చెప్పారు. నగరంలో గరిష్ఠ ఉష్షోగ్రత 31 డిగ్రీల సెల్షియస్, కనిష్ఠ ఉష్షోగ్రత 21 డిగ్రీల సెల్షియస్ ఉంటుందని ఆయన చెప్పారు.

తెలంగాణ రాష్ట్రంలోని కొమరంభం ఆసిఫాబాద్, మంచిర్యాల, నిర్మల్,నిజామాబాద్, జయశంకర్ భూపాలపల్లి, సూర్యాపేట్, మహబూబాబాద్, వరంగల్,హనమకొండ, జనగాం, సిద్ధిపేట్ జిలాల్లో అకకడక్కడ రేపు భారీ వర్షాలు కురిసే అవకాశం ఉందని ఐఎండీ అధకారులు చెప్పారు. ఉరుములు, మెరుపులతో కూడిన ఈదురుగాలులు వీస్తాయని అధికారులు పేర్కొన్నారు. సెప్టెంబరు 24 వతేదీన కొమరంభం ఆసిఫాబాద్, మంచిర్యాల, నిర్మల్,వికారాబాద్, సంగారెడ్డి, మెదక్, కామారెడ్డి, మహబూబ్ నగర్, నారాయణపేట్ జిల్లాల్లో అక్కడక్కడ భారీ వర్షాలు కురిసే అవకాశం ఉందని శాస్త్రవేత్తలు వివరించారు.

అల్పపీడనం ప్రభావం వల్ల తెలంగాణ రాష్ట్రంలో సెప్టెంబరు 25, 26,27 తేదీల్లో భారీవర్షాలు కురిసేఅవకాశం ఉందని తెలంగాణ వెదర్ మ్యాన్ తెలిపారు. అతి భారీవర్షాల వల్ల హైదరాబాద్ నగరంతోపాటు సెంట్రల్ తెలంగాణ జిల్లాల్లో వరదలు సంభవించే అవకాశముందని వెదర్ మ్యాన్ హెచ్చరించారు. ఉత్తర తెలంగణ జిల్లాల్లో ఒక మోస్తరు వర్షాలు కురిసేఅవకాశం ఉందని తెలిపారు.