మున్సిపల్ ఎన్నికల విజయంపై హైకమాండ్ హ్యాపీ
మున్సిపల్ ఎన్నికల్లో కాంగ్రెస్కు 80% మద్దతుపై హైకమాండ్ సంతృప్తి వ్యక్తం, రెండు గంటల భేటీలో రాష్ట్ర ప్రభుత్వ పనితీరు సమీక్ష.
మున్సిపల్ ఎన్నికల్లో 80 శాతం మంది ప్రజలు కాంగ్రెస్కు మద్దతు తెలిపిన విషయంపై కాంగ్రెస్ ఢిల్లీ అదిష్ఠానం సంతృప్తి వ్యక్తం చేసింది. ఢిల్లీలోని ఖర్గే నివాసంలో తెలంగాణ ముఖ్యమంత్రి రేవంత్ రెడ్డి, రాష్ట్ర మంత్రులు, పీసీసీ చీఫ్ మహేష్ కుమార్ గౌడ్తో రెండు గంటల పాటు సమావేశం నిర్వహించారు. ఇందులో రాహుల్ గాంధీ కూడా పాల్గొన్నారు. ఈ సమావేశంలో రాష్ట్ర ప్రభుత్వ రెండేళ్ల పనితీరుపై రాహుల్ గాంధీ, ఖర్గే సమగ్ర సమీక్ష నిర్వహించారు.
సభలో పీసీసీ చీఫ్ మహేష్ కుమార్ గౌడ్ రాష్ట్రంలో ఆరు గ్యారెంటీల మెజారిటీ పథకాలను అమలు చేసినట్లు, మిగిలిన హామీలను వచ్చే మూడేళ్లలో పూర్తిగా నెరవేర్చాలని ధీమా వ్యక్తం చేశారు. గత ప్రభుత్వం వదిలి వెళ్ళిన 8 లక్షల కోట్ల రూపాయల అప్పులను ఉన్నప్పటికీ, నిధులను సమర్థవంతంగా వినియోగిస్తూ సంక్షేమ పథకాలను కొనసాగిస్తున్నట్లు వివరించారు. హైకమాండ్ వరి ఉత్పత్తి, ఇతర వాణిజ్య పంటలను ప్రోత్సహించాలని సూచించింది.
ఇక నామినేటెడ్, పార్టీ సంస్థాగత పదవుల భర్తీలు, రాకున్న రాజ్యసభ ఎన్నికలపై త్వరలో కీలక నిర్ణయాలు తీసుకోనున్నారు. రాహుల్ గాంధీ ఇంటిగ్రేటెడ్ స్కూల్స్ విధివిధానాలను ప్రత్యేకంగా తెలుసుకున్నారు. కోమటిరెడ్డి రాజగోపాల్ రెడ్డిని త్వరలో ఢిల్లీలో పిలిచి చర్చించనున్నారు. మంత్రివర్గ విస్తరణపై ప్రస్తుతానికి చర్చ జరగలేదని హైదరాబాదులో స్పష్టం చేశారు.
సమ్మక్క–సారలమ్మల చరిత్ర, మేడారం జాతర ప్రాశస్త్యంపై ఖర్గే, రాహుల్ ఆసక్తి చూపారు. రాహుల్ గాంధీ చరిత్రను దేశవ్యాప్తంగా ప్రదర్శించే సినిమా తీసుకోవాలని సూచించారు. రాహుల్, ఖర్గే మేడారం జాతరకి ఆహ్వానం అందితే హాజరు అవుతామని హామీ ఇచ్చారు.
