అపరిచితుల నుంచి వీడియో కాల్స్ వస్తే...తస్మాత్ జాగ్రత్త!
తెలంగాణలో సైబర్ మోసగాళ్లు చెలరేగిపోతున్నారు. రోజుకో రకం మోసం వెలుగుచూస్తున్న నేపథ్యంలోప్రజలు అప్రమత్తంగా ఉండాలని తెలంగాణ పోలీసులు తాజాగా హెచ్చరిక జారీ చేశారు.
తెలంగాణ రాష్ట్రంలో రోజుకో సైబర్ మోసం వెలుగులోకి వస్తోంది. తాజాగా అపరిచితులు వీడియో కాల్స్ చేసి బ్లాక్ మెయిల్ చేసి డబ్బులు గుంజుతున్నారని పోలీసుల దృష్టికి వచ్చింది. దీంతో ప్రజలు అప్రమత్తంగా ఉండాలని తెలంగాణ పోలీసులు ఎక్స్ పోస్టు ద్వారా హెచ్చరించారు.
సైబర్ నేరగాళ్ల బ్లాక్ మెయిల్
పెరుగుతున్న సైబర్ నేరాలు
తెలంగాణలో సైబర్ నేరాల సంఖ్య పెరుగుతుండటం అందరినీ ఆందోళనకు గురిచేస్తోంది. 2019వ సంవత్సరంలో తెలంగాణలో 2,691 సైబర్ నేరాలు జరిగాయి. 2020లో వీటి సంఖ్య 5,024కు పెరిగాయి. 2021లో 10,303 కేసులు నమోదయ్యాయి. దేశంలో 20 శాతం సైబర్ నేరాలు తెలంగాణ రాస్ట్రంలోనే జరిగాయని ఎన్ సీఆర్ బీ నివేదికలు వెల్లడించాయి.
తెలంగాణ సైబర్ పోలీసుల రికార్డు
తెలంగాణలో సైబర్ నేరాలు పెరగడంతో అప్రమత్తమైన సైబర్ సెక్యూరిటీ బ్యూరో అప్రమత్తమైంది. సైబర్ నేరాల బారిన పడకుండా ప్రజలను అప్రమత్తం చేయడంతోపాటు సైబర్ మోసాల బారిన పడిన బాధితులకు రూ.85.05 కోట్ల ను రిఫండ్ చేయడంలో పోలీసులు కీలక పాత్ర వహించారు. సైబర్ నేరాలపై నేషనల్ సైబర్ క్రైం రిపోర్టింగ్ పోర్టల్ ద్వారా పోలీసులు కేసులు నమోదు చేశారు.
