కంటోన్మెంటు అసెంబ్లీ బరిలో లాస్యనందిత సోదరి నివేదిత

తెలంగాణ రాష్ట్రంలో పార్లమెంట్ ఎన్నికలతో పాటు సికింద్రాబాద్ కంటోన్మెంట్ అసెంబ్లీ నియోజకవర్గంలోనూ ఉప ఎన్నికలు మే 13వతేదీన జరుగుతాయని కేంద్ర ఎన్నికల కమిషన్ శనివారం ప్రకటించింది. ఈ ఎన్నికల ఓట్ల లెక్కింపు జూన్ 4వతేదీన జరగనుంది. కేంద్ర ఎన్నికల కమిషన్ ప్రకటన వెలువడుతున్న నేపథ్యంలో శనివారం సికింద్రాబాద్ కంటోన్మెంట్ దివంగత ఎమ్మెల్యే లాస్య నందిత సోదరి నివేదిత బీఆర్ఎస్ పార్టీ కార్యకర్తలు, అభిమానులతో ఆత్మీయ సమావేశం ఏర్పాటు చేశారు. కార్యకర్తలతో చర్చించిన నివేదిత అనంతరం తాను సికింద్రాబాద్ కంటోన్మెంట్ అసెంబ్లీ ఉప ఎన్నికల్లో తాను పోటీ చేస్తున్నట్లు ప్రకటించారు. తక్కువ సమయం ఉన్నా కార్యకర్తలందరూ ఈ ఆత్మీయ సమావేశానికి తరలివచ్చారు.