ఏపీ రాజధాని మార్పు లేదు.. తేల్చిచెప్పిన కేంద్ర ప్రభుత్వం

అమరావతే ఏపీ రాజధాని అని కేంద్రం పార్లమెంటు సాక్షిగా స్పష్టం చేసింది. అమరావతి మాస్టర్‌ ప్లాన్‌ను కేంద్రం ఆమోదించినట్లు కేంద్రం మరోసారి చెప్పింది. 28 రాష్ట్రాల రాజధానుల జాబితాను కేంద్రం రిలీజ్‌ చేసింది. ఆ జాబితాలో ఏపీ రాజధానిగా అమరావతి పేరును ప్రస్తావించింది.

రాజ్యసభలో ఎంపీ జావెద్‌ అలీఖాన్‌ అడిగిన ప్రశ్నకు కేంద్రం క్లారిటీ ఇచ్చింది. దేశంలోని 39 శాతం రాష్ట్రాల రాజధానులకు మాస్టర్‌ ప్లాన్‌ లేదనేది నిజమా కాదా అని ఎంపీ జావెద్‌ ప్రశ్నించారు. ఎంపీ ప్రశ్నకు కేంద్ర సహాయ మంత్రి కౌశల్‌ కిషోర్‌ వివరణ ఇచ్చారు. ‘రాష్ట్రాల రాజధానులకు మాస్టర్‌ ప్లాన్‌ లేదన్న మాట అవాస్తమం. ఏపీ రాజధాని అమరావతితో సహా 26 రాష్ట్రాల రాజధానులకు మాస్టర్‌ప్లాన్‌ ఉంది‘ అన్నారు కేంద్ర మంత్రి. త్రిపుర రాజధాని అగర్తల, నాగాలాండ్‌ రాజధాని కోహిమాల మాస్టర్‌ ప్లాన్లు మినహా అన్ని రాష్ట్రాల రాజధానుల మాస్టర్‌ ప్లాన్లను కేంద్రం ఆమోదించింది.