'ది డెవిల్స్ చైర్' మూవీ రివ్యూ!

ఒక చైర్‌… ఇంట్లో ఒక మూలలో సాదాసీదాగా కనిపించే ఓ ఫర్నిచర్‌ ఐటెమ్. కానీ…

ఆ చెయిర్ మీద ఎవరు కూర్చుంటారో వారే కాదు, వాళ్ల విల్‌పవర్ కూడా టెస్ట్‌ .

ఇది కేవలం హారర్ సినిమా కాదు… ఇది మానవ దురాశ, నమ్మకం, ప్రేమ… వాటి మధ్య జరిగే క్రూరమైన డీల్. ఒక్కసారి ఆ చెయిర్ మీద కూర్చున్నావంటే… జీవితం గేమ్ కాదు, *డీల్* అయిపోతుంది. ఇలాంటి కథతో ఈ సినిమా రిలీజైంది. కాన్సెప్ట్ లో ఉన్న ఇంట్రస్ట్ ఈ సినిమాలో ఉందా లేదా చూద్దాం.

కథలోకి వెళ్దాం...

విక్రమ్ (అదిరే అభి) ఓ ప్రైవేట్ కంపెనీలో ఉద్యోగి. కానీ అతను జీతాన్ని, జీవితాన్ని బెట్టింగ్ లకు అంకితం చేసేసాడు. బెట్టింగ్ ల పిచ్చి ఏ స్దాయికి వెళ్లిపోతుందంటే... ఒక రోజు, కంపెనీకి సంబంధించిన రూ. 1 కోటి డబ్బుతో బెట్టింగ్‌కు దిగిపోతాడు. కానీ ఓడిపోతాడు. ఫలితం?

ఉద్యోగం పోయింది. యాజమాన్యం కేసు వేసింది. జీవితం అంధకారంలోకి పడిపోయింది.

ఈ సమయంలో అతని ప్రేయసి రుధిర (స్వాతి మందల్) అతనికి అండగా నిలుస్తుంది. ఆర్థికంగా సహాయపడుతుంది. తన ఇంట్లోకి తీసుకువచ్చి కూర్చోపెడుతుంది. అయితే ఇక్కడే కథ అసలు మలుపు తిరుగుతుంది... వాళ్ల ఇంట్లోకి ఓ యాంటిక్ చెయిర్ వస్తుంది…

అదే — "ది డెవిల్స్ చైర్".

రుధిరకు నచ్చి కొనుక్కొచ్చిన ఆ చైర్… విక్రమ్ కూర్చున్న వెంటనే యాక్టివేట్ అవుతుంది. ఓ శక్తి అతనితో మాట్లాడటం మొదలెడుతుంది.

దేవుడు కాదు, దెయ్యం కాదు — ఒక డెవిల్ అతనితో బార్గెయిన్ చేయటం మొదలెడుతుంది. ఈ డెవిల్ శబ్దాలతో కాదు... షరతులతో వస్తుంది. నీ అవసరాలకు డబ్బు ఇస్తా... కానీ ఒక్కోసారి నాకు నువ్వు కొన్ని పనులు చేయాలి." అంటూ కండీషన్ పెడుతుంది.

"విశ్వాసం లేని చోట భయం కన్నా ఒప్పందమే ఎక్కువ ప్రమాదం."

విక్రమ్ మొదటిసారి అంగీకరించాడు. డబ్బు వచ్చాయి. కానీ యాజమాన్యం అతనిపై రూ. కోటి ఇవ్వమని ప్రెజర్ పెంచుతుంది. అప్పుడు… "నీ ప్రేయసిని చంపేస్తే... ఐదు కోట్లు ఇస్తా" అని చెబుతుంది ఆ చెయిర్‌లోని శక్తి.

ఇక అసలు కథ మొదలవుతుంది... విక్రమ్ ఏం చేశాడు? అతను డబ్బులకోసం ఎంత దాకైనా వెళతాడా? ఆ చెయిర్‌లో ఉన్నది నిజంగా ఎవరు? ఎందుకు విక్రమ్‌నే టార్గెట్ చేసింది? రుధిర వల్ల ఏం జరగబోతుంది? ఇవి తెలుసుకోవాలంటే సినిమా చూడాల్సిందే.

విశ్లేషణ

ఒక హారర్ థ్రిల్లర్ సినిమా అంటే…

తెర నిండా వాతావరణం ఉండాలి…

కథ ఆరంభించగానే గుండె కొట్టుకోవాలి…

పాత్రలు కనిపించగానే వాళ్ల మెదళ్లలో అసలేముందో ఊహించుకోవాలి.

కానీ 'ది డెవిల్’స్ చైర్' లో ఇవన్నీ కుర్చీ మీదే ఆగిపోయాయి. ఓ ఇంట్రెస్టింగ్ కాన్సెప్ట్ – డెవిల్‌ ఓ ఛైర్‌లో ఉంటుందన్న ఊహ –

అందులో విలక్షణత ఉంది. కానీ దాన్ని స్క్రీన్‌పైన అభినయ రూపంలో కాక, ఆలోచన రూపంలోనే వదిలేశారు. కథలో మేజారిటీ భాగం నాలుగు గోడల మధ్యనే నడవడం వల్ల, సినిమా సారాంశం కూడా అక్కడే చిక్కుకుని పోయింది.

తప్పులు మనుషులవైనా… వాటికి ఖరీదులు చెయిర్‌లు నిర్ణయిస్తాయ్.

సినిమా మొదట్లో ఇంట్రెస్టింగ్‌గానే ఉంది. లీగల్ కేసు వచ్చిన తర్వాత పేస్ మెల్లింగా మందగించటం మొదలవుతుంది. అయితే ఇంటర్వెల్ బ్లాక్ బాగా డిజైన్ చేశారు – సస్పెన్స్ గట్టిగానే పడుతుంది. సెకండాఫ్ ఎక్కువగా డెవిల్ & విక్రమ్ మధ్య "టెస్ట్ ఆఫ్ మైండ్"గా మారుతుంది. చివరి 20 నిమిషాలు థ్రిల్లింగ్‌గా మలిచారు. క్లైమాక్స్‌లో వచ్చే ట్విస్ట్ – మీరు చూస్తోంది మొదటి పార్ట్ మాత్రమే అనేలా టోన్ సెట్ చేసింది. దాంతో సినిమా పూర్తిగా చూసిన తృప్తి కలగలేదు.

స్క్రీన్ ప్లే పరంగా చూస్తే...

ఇలాంటి సినిమాకు ఫెరఫెక్ట్ గా ఉంటేనే వర్కవుట్ అవుతాయి. “బెట్టింగ్‌లో కోటి రూపాయలు కోల్పోయిన ఉద్యోగి” – ఇదే కథకి పెద్ద హుక్.. సాధారణ Office Drama ని నేరుగా ఒక Life-Threatening Mistakeగా మార్చడం స్క్రీన్‌ప్లేకి వేగం తెస్తుంది. అయితే స్క్రీన్‌ప్లేలో అసలైన టెన్షన్: “విక్రమ్ తన ప్రేయసిని ప్రేమించుతున్నాడా? లేక డబ్బుని ఎక్కువగా?” అని.

స్క్రీన్‌ప్లే emotion vs greed మధ్య సీన్లను రిపీట్ చేయకుండా రిక్రియేట్ చేస్తూ పోతుంది. “రుధిరని చంపేస్తే... ఐదు కోట్లు.” ఇది స్క్రీన్‌ప్లేలో Turning Point కాదు, Moral Collapse Point. ఇక్కడినుంచి కథ "Survival Horror" నుంచి "Psychological Thriller"గా మారుతుంది. అయితే "ఈ చెయిర్‌ని ఎవరు రూపొందించారు?" అనే మిస్టరీని వదిలేయడం స్క్రీన్‌ప్లేలో Franchise Seed వేయడమే.

టెక్నికల్ డిపార్ట్మెంట్లు – ఖర్చు కాదు, కసరత్తు కనిపించాలి!

ఫొటోగ్రఫీ, నేపథ్య సంగీతం, ఎడిటింగ్... ఇవన్నీ సినిమా మూడ్కి ఊపిరిలాంటివి. కానీ ఈ చిత్రంలో అవి ఉండాలనుకున్న చోట... ఉన్నట్టు అనిపించలేదు.

"హారర్ అంటే గ్రాఫిక్స్ కాదు... అది గ్రాఫ్ – ఎమోషన్ అండ్ టెంపో. అది లేనప్పుడు… షెడోస్ కనిపించవు!"

ఫైనల్ థాట్ :

“కుర్చీలో కూర్చోవచ్చు… కానీ దాని వెనుక ఎవరు ఉన్నారో తెలుసుకోకపోతే… నువ్వు ఎప్పుడు లేవలేవు.” అనే పాయింట్ ని చెప్పాలని ప్రయత్నం చేసిన ఈ సినిమా కాన్సెప్టు పరంగా ఉన్నంత ఇంట్రస్ట్ గా ...సినిమా లేకపోవటం దురదృష్టం.

కుర్చీ ఖాళీ... కాన్సెప్ట్ బాగుంది కానీ, కథ కూర్చోవడానికి సిద్ధంగా లేదు!

ఎక్కడ చూడచ్చు

'ఆహా'లో ఈ సినిమా తెలుగులో స్ట్రీమింగ్ అవుతోంది.