షాకింగ్ ట్రూత్ : ఓటిటీల ఒత్తిడితోనే ఫేక్ కలెక్షన్ పోస్టర్లు?

ఇప్పటి గ్లోబుల్ సినిమా మార్కెట్‌లో నిజమైన గేమ్‌చేంజర్ ఎవరూ అంటే — థియేటర్లు కాదు, ఓటిటిలే. సినిమా బడ్జెట్ ఎంత పెద్దదైనా, స్టార్ పవర్ ఎంత ఉన్నా, చివరికి డిజిటల్ డీల్ దొరకకపోతే లాభం గ్యారంటీ కాదు. ఓటిటి బిజినెస్ ఇప్పుడు పోస్ట్-థియేట్రికల్ సర్వైవల్ సిస్టమ్ గా మారిపోయింది.

ఈ క్రమంలో “డీల్ ఓకే కావాలంటే మా రూల్స్ ఫాలో అవ్వాలి” — ఓటిటీల స్పష్టమైన లైన్ గా మారింది.

టాలీవుడ్ లో ఇది బహిరంగం! పేరు బయిటపెట్టడానికి ఇష్టపడని ఒక ప్రముఖ నిర్మాత బయటపెట్టిన విషయాలు ఇప్పుడు ఇండస్ట్రీలో చర్చనీయాంశమయ్యాయి. ఆయన మాటల్లో — “కొన్ని పెద్ద ఓటీటీ సంస్థలు నిర్మాతలపై ఒత్తిడి తెస్తున్నాయి. తమ సినిమాల కలెక్షన్లు భారీగా చూపించమని, ₹100 కోట్లు, ₹150 కోట్లు అన్నట్టుగా పోస్టర్లు వేయమని డిమాండ్ చేస్తున్నారు” అని అంటున్నారు.

హైప్ కోసం ‘ఫేక్ నంబర్స్’ గేమ్

ఆ నిర్మాత వివరణ ప్రకారం — “ఓటీటీ సంస్థలు, ముఖ్యంగా అంతర్జాతీయ ప్లేయర్లు, సినిమాకు బిగ్ థియేట్రికల్ ఇమేజ్ ఉండాలని కోరుకుంటారు. వారు చెబుతారు — ‘మీ సినిమా థియేటర్స్ లో హంగామా చేయాలి, అప్పుడే మేము హై రేట్ ఇస్తాం’. ఈ కారణంగా నిర్మాతలు, డిస్ట్రిబ్యూటర్లు తప్పుడు బాక్సాఫీస్ నంబర్లతో పబ్లిసిటీ చేస్తారు,” అని ఆయన వెల్లడించారు.

“₹300 కోట్లు వసూలు చేసింది” — నిజంగానా?

“ఏ అంకె చెప్పినా జనం వింటారు, ప్యాన్స్ ఆ అంకెలను సోషల్ మీడియాలో ప్రమోట్ చేస్తారు. ప్రముఖ మీడియా సంస్దలు వాటిపై కథనాలు రాస్తాయి. అంతెందుకు సినిమా ₹300 కోట్లు వసూలు చేసిందని అంటే.. అప్పుడు ఓటీటీ లో రిలీజ్ అయినప్పుడు చూడాలనిపిస్తుంది. కానీ వాస్తవం మాత్రం దానికి దగ్గరగా ఉండదు,” అని ఆ నిర్మాత చెబుతున్నారు.

ఆయన గణాంకాలను కూడా వివరించారు:

“ఒక సినిమా ₹100 కోట్లు గ్రాస్ కలెక్షన్ సాధిస్తే, నెట్ కలెక్షన్ సుమారు ₹60 కోట్లు ఉంటుంది. అందులోనూ నిర్మాతకు చేతికి వచ్చే షేర్ ₹45 కోట్లకు మించదు. మిగతా మొత్తం కమిషన్లు, ఖర్చులు తినేస్తాయి.”

ఉదాహరణ: ‘₹200 కోట్లు వసూలు చేసిన బ్లాక్‌బస్టర్’ — నిజానికి వచ్చింది ₹46 కోట్లు మాత్రమే!

హిందీలో రిలీజైన ఒక సూపర్‌న్యాచురల్ థ్రిల్లర్‌ని ఉదాహరణగా చూపిస్తూ — “ఆ సినిమా పబ్లిసిటీ లో ₹200 కోట్లు వసూలు చేసిందని ప్రచారం చేశారు, కానీ నిర్మాత చేతికి వచ్చినది కేవలం ₹46 కోట్లు మాత్రమే,” అని ఆయన వివరించారు.

“డీసీఆర్‌లు (Daily Collection Reports) గోప్యంగానే ఉంటాయి”

“ఇప్పుడు థియేటర్ల కలెక్షన్ రిపోర్ట్స్ కూడా రహస్యంగానే ఉంటాయి. నిర్మాత, డిస్ట్రిబ్యూటర్ మాత్రమే నిజమైన నంబర్స్ తెలుసుకుంటారు. మిగతా ఫిగర్స్ 30–40% వరకూ పెంచి సోషల్ మీడియాలో రిలీజ్ చేస్తారు. వీకెండ్‌కి హైప్ పెంచి, సోమవారం రియాలిటీ బయటపడుతుంది,” అని ఆయన చెప్పి చిరునవ్వు చిందించారు.

చివరి మాట: “ఇప్పుడు మార్కెటింగ్‌లో కూడా కలెక్షన్ నంబర్లే నాటకం!”

ఈ నిర్మాత వ్యాఖ్యలు ఒక సత్యాన్ని బయటపెడుతున్నాయి — “డిజిటల్ యుగంలో, సినిమా నంబర్లు కూడా మార్కెటింగ్ మ్యాజిక్‌లో భాగమయ్యాయి.”

ఏదైమైనా “ఇప్పుడు ఓటిటి ప్లాట్‌ఫార్ములు చెబుతున్నట్లు నిర్మాతలు వినాల్సిందే. వాళ్లు చెప్పే కండీషన్స్ కఠినంగా ఉంటాయి — థియేటర్‌లో బజ్ ఉండాలి, కలెక్షన్లు బ్లాక్‌బస్టర్ లా కనిపించాలి, సోషల్ మీడియాలో హంగామా ఉండాలి. లేకపోతే డీల్ రేట్ పడిపోతుంది.”

ఇక ప్లాట్‌ఫార్ములు నిబంధనలు కూడా అంత సింపుల్ కావు —

థియేట్రికల్ బజ్ లేకపోతే డీల్ లేదు

సోషల్ మీడియాలో ఎంగేజ్‌మెంట్ క్వోటా (ట్రెండింగ్ పోస్టులు, హ్యాష్‌ట్యాగ్లు)

కలెక్షన్ పోస్టర్లు తప్పనిసరి (₹100 కోట్లు, ₹200 కోట్లు అన్నా — రియల్ నంబర్లు అడగరు)

OTT లాంచ్‌కు ముందు నెగటివ్ రివ్యూలు కనపడకూడదు

ఇవన్నీ ఇవాళ పెద్ద నిర్మాతలు కూడా వింటున్నారు — ఎందుకంటే వేరే దారి లేదు.

సినిమా బడ్జెట్ ₹150 కోట్లైతే, థియేటర్ల నుంచి వచ్చే షేర్ కేవలం సగం వరకు మాత్రమే వస్తుంది. మిగతా సేఫ్టీ మార్జిన్ కోసం ఓటిటి డీల్ తప్పనిసరి. “ఇప్పుడొక సత్యం అంగీకరించాల్సిందే,” అని ఒక సీనియర్ ప్రొడ్యూసర్ అంటున్నారు — “ఓటిటి వాళ్లు చెప్పినట్టే చేయాలి. వేరే దారి లేదు. లేకపోతే వాళ్లు మరో పెద్ద సినిమాకు వెళ్తారు.”

హైప్ = హై ప్రైస్

ఓటిటి డీల్ రేట్ ఇప్పుడు హైప్ మీద ఆధారపడి ఉంటుంది. సినిమా థియేటర్లలో ఎంత నాయిస్ చేసిందన్నదే వారికి ముఖ్యం. అందుకే నిర్మాతలు, డిజిటల్ ఏజెన్సీలు కలిసి ఫేక్ కలెక్షన్ పోస్టర్లతో మార్కెట్‌లో బజ్ క్రియేట్ చేస్తున్నారు.

“థియేటర్లలో 70 కోట్లు వసూలు చేసిందని చెప్పినా, నిజానికి రాబడేది 30–35 కోట్లు మాత్రమే. కానీ ఆ నంబర్ సోషల్ మీడియాలో ట్రెండ్ అవ్వడం వల్ల, ఓటిటి వాళ్లు ఆ సినిమాకు ‘హాట్ ట్యాగ్’ వేస్తారు,” అని ఇండస్ట్రీలో మరో వర్గం చెబుతోంది.

“డీసీఆర్‌లు రహస్యంగానే ఉంటాయి — నిజం తెలుసుకోవడమే కష్టం”

ఇప్పటి పరిస్థితి — డైలీ కలెక్షన్ రిపోర్టులు కూడా క్లోజ్డ్ సర్కిల్ లోనే ఉంటాయి. థియేటర్ మేనేజర్, డిస్ట్రిబ్యూటర్, ప్రొడ్యూసర్ తప్ప ఇంకెవరికీ రియల్ నంబర్స్ తెలియవు. సోషల్ మీడియాలో షేర్ అయ్యే కలెక్షన్ పోస్టులు 30–40% పెంచినవే. వాటికి ఎవ్వరూ సాక్ష్యం అడగరు — హైప్ అంటే హైప్.

ఏదైమైనా...

ఓటిటి బిజినెస్ ఇప్పుడు సినిమా ఆర్థిక వ్యవస్థలో మూల స్తంభం. పెద్ద నిర్మాతలూ, స్టార్ హీరోలూ, మార్కెటింగ్ టీములూ — అందరూ ఒకే మిషన్‌లో పని చేస్తున్నారు: “Reality కన్నా Illusion బాగా అమ్ముడవుతుంది.

“ఇప్పటి సినిమా మార్కెట్లో నిజం లాభం ఇవ్వదు — హైప్ మాత్రమే డీల్ క్లోజ్ చేస్తుంది.”