నటి త్రిష రాజకీయాల్లోకి?

ప్రముఖ దక్షిణాది నటి త్రిష కృష్ణన్ రెండు దశాబ్దాలకు పైగా సినిమా రంగంలో కొనసాగుతున్నారు. అయితే ఆమె గతకొంతకాలంగా చిత్ర పరిశ్రమకు దూరంగా ఉంటున్నారు. త్రిష చివరిసారిగా విజయ్(Vijay) ప్రధాన పాత్రలో నటించిన యాక్షన్ థ్రిల్లర్ ‘లియో’ మణిరత్నం దర్శకత్వం వహించిన ‘పొన్నియన్ సెల్వన్ 2’ చిత్రాల్లో కనిపించారు. దీంతో త్రిష ఇక మూవీ ఇండస్ట్రీకి గుడ్‌బాయ్ చెప్పి, రాజకీయాల్లోకి ప్రవేశిస్తున్నారన్న ఊహాగానాలు జోరందుకున్నాయి.

ఊహాగానాలకు మరో కారణం..

గత నెలలో త్రిష పెంపుడు కుక్క చనిపోయింది. దాంతో కొద్ది రోజుల మౌనంగా ఉన్న త్రిష.. "జీవితానికి ఇకపై ఎలాంటి అర్ధం లేదు" అని ఇన్‌స్టాగ్రామ్‌లో పోస్ట్‌ చేశారు. అలాగే "కొంతకాలం విరామం తీసుకోవాలనుకుంటున్నా" అని కోట్ చేయడంతో..త్రిష పాలిటిక్స్ వైపు వెళ్తున్నారన్న టాక్ వినిపించింది. తమిళ నటుడు విజయ్ నాయకత్వంలోని ‘తమిళగ వేట్రి కజగం’(Tamilaga Vetri Kazhagam) పార్టీలో చేరిపోతారన్న పుకార్లు పుట్టుకొచ్చాయి. కాని ఆమె అభిమానులు మాత్రం త్రిష రాజకీయాల్లోకి వెళ్లినా సినిమాల్లో మాత్రం కనిపించాలని సందేశాలు పంపండం విశేషం.

ఆ ఉద్దేశమే లేదు..

అయితే త్రిష తల్లి ఉమ కృష్ణన్ ఈ ఊహాగానాలను ఖండించారు. త్రిషకు రాజకీయాల్లోకి (Politics)వెళ్లే ఉద్దేశం కాని, అలాంటి ఆలోచన కూడా లేదని పేర్కొన్నారు. ఆమె ఇంకా సినిమాల్లోనే కొనసాగుతారని స్పష్టతనిచ్చారు.

విజయ్‌తో సన్నిహిత్వంతోనే..

త్రిష పొలిటికల్ ఎంట్రీ ఊహాగానాలకు మరో కారణం విజయ్‌తో త్రిష సన్నిహితంగా ఉండడమే. డిసెంబర్ 12న త్రిష, విజయ్ కలిసి కీర్తి సురేష్ పెళ్లికి హాజరయ్యారు. ఆ వీడియో సోషల్ మీడియాలో వైరల్ అయింది.

త్రిష రాబోయే చిత్రాలు..

త్రిష ప్రధాన పాత్రలో నటించే చిత్రాలలో విదాముయర్చి (అజిత్‌తో కలిసి), సూర్య 45 ఉన్నాయి. ‘సూర్య 45‌’ త్రిష, సూర్య రెండు దశాబ్దాల తర్వాత కలిసి నటిస్తున్న చిత్రం. అలాగే మలయాళ నటుడు టోవినో థామస్‌తో కలిసి నటించిన ‘ఐడెంటిటీ’ చిత్రం త్వరలో ఓటీటీలో ప్రసారం కానుంది. మణిరత్నం దర్శకత్వంలో కమల్ హాసన్‌తో కలిసి త్రిష నటిస్తున్న ‘థగ్ లైఫ్’ కూడా ప్రొడక్షన్‌లో ఉంది.

రెండు దశాబ్దాల క్రితం అమీర్ దర్శకత్వంలో రూపొందిన ‘మౌనం పేసియదే’ చిత్రంతో సినీ రంగప్రవేశం చేశారు త్రిష. ఈ చిత్రంలో సూర్యతో కలిసి నటించిన త్రిష.. క్రమేణా అగ్రనటిగా ఎదిగారు.