బంగ్లాదేశ్ రాజకీయాల్లో చీరెల వేట

“నా ప్రశ్న ఏమిటంటే, వారి భార్యల వద్ద ఎన్ని భారతీయ చీరలు ఉన్నాయి? మరి భార్యల నుంచి చీరలు తీసుకుని ఎందుకు నిప్పంటించడం లేదు? దయచేసి BNP నాయకులను అడగండి” అని హసీనా అన్నారు. BNP అధికారంలో ఉన్నప్పుడు, మంత్రులు వారి భార్యలు భారతదేశ పర్యటనల సమయంలో చీరలను కొనుగోలు చేసి, వాటిని బంగ్లాదేశ్‌లో విక్రయించేవారని ఆమె గుర్తు చేసుకున్నారు. ప్రధాని చీరలతో ఆగలేదు. బంగ్లాదేశ్ వంటశాలలలో భారతీయ మసాలా దినుసుల పాత్ర గురించి ఆమె చర్చించారు. "గరం మసాలా, వెల్లుల్లి, ఉల్లిపాయలు, అల్లం - భారతదేశం నుంచి వచ్చే అన్ని సుగంధ ద్రవ్యాలు BNP నాయకుల ఇళ్లలో వాడకూడదు" అని ఆమె డిమాండ్ చేశారు.

ఆమె ఎందుకు అన్నారంటే, ఈ మధ్య ఇండియా చీరెలను సమర్థించే విధంగా బిఎన్ పి సీనియర్ జాయింట్ సెక్రెటరీ ఒకరు ఆసక్తికరమయిన ప్రకటచేయడమే. " మాయింట్లో ఎవరూ భారతీయ చీరెలను కొనరు. కాకపోతే,  ఆ మధ్య నా భార్య భారత్ పర్యటకు వెళ్లినపుడు మేనమామ ఆమెకు ఒక చీరె కానుకగా ఇచ్చారు, అంతే," అన్నాడు. 

అందుకే భారతీయ ఉత్పత్తులను బహిష్కరించాలనే ముందు బిఎన్ పి నేతలు తమ భార్యలు దాచుకున్న భారతీయచీరెలను బజార్లో తగలబెట్టాలని అన్నారు.

హసీనా భారత్ తో సఖ్యత కోరుకుంటున్నారు. బిఎన్ పి మాత్రం బంగ్లా వ్యవహారాలలో భారత్ జోక్యం చేసుకుంటున్నదని అంటూ నిరసనగా భారతీయ ఉత్పత్తులను బహిష్కరించాలని పిలుపునిచ్చింది.

బంగ్లాదేశ్‌లో "ఇండియా అవుట్" ప్రచారాన్ని కొంతమంది కార్యకర్తలు, స్వయంప్రకటిత మేధావులు ప్రారంభించారు. ఈ ఏడాది ప్రారంభంలో జరిగిన సార్వత్రిక ఎన్నికల్లో షేక్ హసీనా వరుసగా నాలుగోసారి గెలిచి ప్రధాని పీఠం అధిష్టించారు. అయితే ఈ ఎన్నికల్లో హసీనాకు భారత్ మద్ధతునిచ్చింది ప్రతిపక్ష బీఎన్పీ ఆరోపించింది. ఈ ఎన్నికలను అక్కడి విపక్షాలు బహిష్కరించాయి.

BNP దాని జాయింట్ సెక్రటరీ-జనరల్ రూహుల్ కబీర్ రిజ్వీ తన కాశ్మీరీ-నిర్మిత శాలువను భారతీయ ఉత్పత్తులకు వ్యతిరేకంగా రోడ్డుపై విసిరి తన నిరసనను ప్రదర్శించాడు. అయితే

రిజ్వీ వంటి కొందరు నాయకులు ఇప్పుడు ప్రచారానికి మద్దతు ఇచ్చినప్పటికీ, బహిష్కరణ అంశంపై తమకు అధికారిక వైఖరి లేదని BNP తెలిపింది. అయితే మరో నేత షేక్ హాసీనా చేసిన వ్యాఖ్యలపై మాట్లాడుతూ.. భారతీయ చీరలతో పాటు షేక్ హసీనాను విడిచిపెట్టాలని ప్రజలను కోరారు.