హసీనా మరణశిక్ష తీర్పుపై స్పందించిన చైనా

బంగ్లాదేశ్ మాజీ ప్రధాని షేక్ హసీనాకు మరణశిక్ష విధించడం అనేది ఢాకా అంతర్గత వ్యవహారం అని చైనా వ్యాఖ్యానించింది. ఈ సంఘటనపై బీజింగ్ ఇతర వ్యాఖ్యలు చేయడానికి నిరాకరించింది.

గత సంవత్సరం విద్యార్థి ఉద్యమంలో హింస చెలరేగింది. దీనికి కారణం షేక్ హసీనా అని ప్రాసిక్యూషన్ వాదించింది. మానవత్వానికి వ్యతిరేకంగా నేరాలు చేసిందని బంగ్లాదేశ్ అంతర్జాతీయ నేరాల ట్రిబ్యూనల్(ఐసీటీ) భావించింది. ఇదే విధమైన ఆరోపణలపై మాజీ హోంమంత్రి అసదుజ్జమాన్ ఖాన్ కమల్ కు కూడా మరణశిక్ష విధించింది.