ప్రతీకార రిపబ్లిక్ దేశంగా బంగ్లా మారుతోందా?
మాజీ విదేశాంగ మంత్రిపై ప్రతిపక్ష పార్టీకి చెందిన లాయర్లు కోర్టులో భౌతికదాడికి పాల్పడ్డారు. క్రికెటర్ షకీబ్ పై హత్య కేసు పెట్టారు. అది కూడా దేశంలో లేని సమయంలో..
By : Subir Bhaumik
Update: 2024-08-27 10:27 GMT
బంగ్లాదేశ్ లో పరిస్థితులు ఎలా ఉన్నాయి.. పొరుగు దేశమైన భారతో పాటు ప్రపంచం మొత్తం ఆసక్తిగా అటూ వైపే చూస్తోంది. కానీ విప్లవం తరువాత అక్కడ పరిస్థితి చక్కబడినట్లు కనిపించడం లేదు. ముఖ్యంగా అవామీ లీగ్ పార్టీ కార్యకర్తలను, నాయకులను టార్గెట్ చేస్తూ కేసులు పెట్టి వేధించే ప్రక్రియలు ఊపందుకున్నాయా అన్నట్లు ఉంది.
ప్రజాస్వామ్యం కాస్త.. ప్రతీకార రిపబ్లిక్ దేశంగా బంగ్లా అడుగులు వేస్తోందా అన్నట్లు ఉంది. ఉదాహారణకు కొన్ని విషయాలు తీసుకుంటే.. గతవారం పాకిస్తాన్ లో టెస్ట్ మ్యాచ్ ఆడుతున్న బంగ్లాదేశ్ మాజీ కెప్టెన్, ఆల్ రౌండర్ షకీబ్ అల్ హసన్ పై బంగ్లాదేశ్ లో హత్య నేరం కేసు నమోదు చేశారు.
షకీబ్ పైనే కాదు.. దాదాపు 147 మంది అవామీ లీగ్ నాయకులపై ఢాకాలో రఫీకుల్ ఇస్లాం అనే వ్యక్తి కేసు పెట్టాడు. దేశంలో చెలరేగిన అల్లర్లలో కాల్పులు జరిగిన సంఘటనలో తన కొడుకు రూబెల్ చనిపోయాడని, దీనికి కారకుడు వీరంతా అని కేసు సారాంశం.
ఈ కేసులో మాజీ ప్రధాని షేక్ హసీనా, సినీ నటుడు ఫిర్దౌస్ అహ్మద్‌తో సహా పలువురు మాజీ మంత్రులు, చట్టసభ సభ్యులు, అవామీ లీగ్ సెక్రటరీ జనరల్ ఒబైదుల్ క్వాడర్‌ వంటి నాయకులు ఉన్నారు. షకీబ్ ఇంతకుముందు అవామీ లీగ్ తరఫున చట్ట సభకు ఎన్నిక కావడం ఇందుకు కారణం అని ప్రత్యేకంగా చెప్పనవసరం లేదు.
అమాయకులను టార్గెట్ చేస్తున్నారు
ఆగస్టు 5న, బంగ్లాదేశ్ రాజకీయ సంక్షోభంలోకి నెట్టిన ఉద్యోగాల కోటాలపై విద్యార్థుల నిరసన ఆందోళన సందర్భంగా ఇస్లాం కుమారుడు రూబెల్ కాల్చి చంపబడ్డాడు. కాల్పుల్లో గాయపడిన అతడు రెండు రోజుల తర్వాత ఆస్పత్రిలో మరణించాడని ఎఫ్‌ఐఆర్‌లో పేర్కొన్నారు. క్రికెట్‌లోని అన్ని ఫార్మాట్లలో షకీబ్‌ను బంగ్లాదేశ్ జట్టుకు దూరంగా ఉంచాలని ఇస్లాం న్యాయవాది డిమాండ్ చేశారు.
అయితే విచిత్రం ఏంటంటే జూలై 26 నుంచి ఆగస్టు 9 వరకు బ్రాంప్టన్‌లో జరిగిన గ్లోబల్ T20 కెనడా లీగ్‌లో బంగ్లా టైగర్స్ మిస్సిసాగా తరపున ఆడినందున షకీబ్ ఆగస్టు 5న లేదా నిరసనల సమయంలో బంగ్లాదేశ్‌లో లేడు. దీనికి ముందు, అతను జూలై మధ్య వరకు మేజర్ లీగ్ క్రికెట్‌లో ఆడేందుకు USలో ఉన్నాడు.
స్వార్థ శక్తులు?
ఒక వ్యక్తి హత్యకు పాల్పడ్డాడని ఆరోపించబడినప్పుడు, నేరం జరిగినప్పుడు నిందితుడు అక్కడే ఉండాలి. దీనిప్రకారం చూస్తే షకీబ్ ఈ కేసుకు సరిపోడు. ప్రజలందరి సమక్షంలోనే ఎవరూ చూడకుండా షకీబ్ రూబెన్ చంపాడు అని ఆరోపించడం కూడా అసంభవం. రఫీకుల్ ఇస్లాం స్వయంగా షకీబ్‌ను ఈ కేసులో ఇరికించేందుకు ప్రయత్నిస్తాడా, లేక ఎవరి కోరిక మేరకు ఇలా చేశాడా అని వారు ఆశ్చర్యపోతున్నారు.
షకీబ్ అవామీ లీగ్‌కు చెందిన ఎంపీ కావడం వల్లే ఆయనపై కేసు నమోదు చేసి ఉండవచ్చని, అందులో ఎలాంటి సందేహం లేదని లాయర్లు చెబుతున్నారు. ఇది విచారణ దశలో న్యాయమూర్తులు ఎలా స్పందిస్తారో చూడాలి. మరో విషయం ఏంటంటే.. టీవీ జర్నలిస్టు జంట ఫర్ఝానా రూపా, ఆమె భర్త షకీబ్ అహ్మద్ పైన కూడా ఇలాంటి హత్య కేసులు నమోదు అయ్యాయి.
వీరు ఇద్దరు అవామీ లీగ్ కు అనుకూలంగా వార్తలు ప్రసారం చేసే ఛానెల్ ‘ఎకత్తర్’ లో పని చేస్తున్నారు. ఇలా వీళ్లపైనే కాకుండా అనేక వందల మందిపై ఎలాంటి ప్రాథమిక సాక్ష్యం లేకుండా కేసులు నమోదు చేశారు.
కష్టాల్లో క్రికెటర్
నిరసనకారులకు వ్యతిరేకంగా హింసకు పాల్పడిన వారిలో కొందరి పేర్లను పేర్కొవడంలో షకీబ్ పేరును కూడా తెచ్చారు. బంగ్లాదేశ్ క్రికెట్‌లో షకీబ్‌కు శత్రువులు ఉన్నారు. వారు అతని స్టార్‌డమ్ లేదా అతని రాజకీయ సంబంధాలు లేదా రెండింటి పై అసూయ చెందుతున్నారు. షకీబ్ ప్రస్తుతం పాకిస్తాన్‌లో ఉన్నందున వ్యాఖ్యానించడానికి అందుబాటులో లేదు. మీడియాతో మాట్లాడే ముందు తన న్యాయవాదులను సంప్రదించవచ్చు.
స్టార్ ఆల్ రౌండర్‌కు సన్నిహిత వర్గాలు షకీబ్ ఎప్పుడూ రాజకీయంగా చాలా చురుకుగా లేడని చెప్పారు. అవామీ లీగ్ తన ప్రచారం కోసం స్టార్లను వెతికే పనిలో ఉన్నప్పుడు అతనికి ఎంపీ టికెట్ ఇచ్చినట్లు చెబుతున్నారు.
హసీనా వ్యూహాలు..
ప్రస్తుత మధ్యంతర ప్రభుత్వం హసీనా హయాంలో అనుసరించిన అదే టెంప్లేట్‌ను అనుసరిస్తున్నట్లు కనిపిస్తోంది. టార్గెటెడ్ వ్యక్తులపై మోసపూరిత కేసులు పెట్టడం అనేది తప్పనిసరిగా నేరాన్ని నిరూపించలేవు. అయితే కాలాన్ని హరించడానికి, వేధించడానికి, భయపెట్టడానికి మాత్రమే సరిపోతుంది.
ఇలాంటి కేసులు తాత్కాలిక ప్రభుత్వ సలహదారు నోబెల్ గ్రహీత మహ్మద్ యూనస్ పరిపాలనకు ఓ పరీక్ష అవుతుంది. హసీనా పాలనా కాలంలో న్యాయవ్యవస్థ రాజీపడుతుందని ఆయన తరుచూ విమర్శలు చేస్తుండేవారు. ఇప్పుడు ఎలా ప్రవర్తిస్తుందో చూడాలి.
ఇలాంటి కేసుల్లో భౌతిక ప్రమేయం కష్టతరమైనప్పటికీ, అలాంటి కేసులు నేరారోపణకు దారితీస్తే, యూనస్, అతని తాత్కాలిక ప్రభుత్వం హసీనా వలె అదే దారిలో ఉన్నారని ప్రజలకు అర్థం అవుతుంది. వారు న్యాయాన్ని అందించడానికి బదులు ప్రతీకారానికి ఆజ్యం పోస్తున్నారని పేరు పొందినవాళ్లు అవుతారు.
వందల కేసులు
మాజీ మంత్రులతో పాటు అవామీ లీగ్ అగ్రనేతలపై ఇప్పటికే వందలాది కేసులు నమోదయ్యాయి. కొన్ని సూచనల ప్రకారం.. ఇవి రాబోయే రోజుల్లో చర్యలు తీసుకునే విధంగా మారతాయి. అవామీ లీగ్‌పై భవిష్యత్ లో నిషేధం విధించే అవకాశం ఉందని చర్చించుకుంటున్నారు. అందుకే కేసులు నమోదు చేస్తున్నారని ప్రచారం జరుగుతోంది.
దాఖలు అవుతున్న కేసుల పరిమాణం, వేగం వాటి వాస్తవికత గురించి ప్రశ్నలను లేవనెత్తుతోంది. పదవీచ్యుతుడైన హసీనాపై ఇప్పటికే 42 హత్య కేసులు సహా 51 కేసులు నమోదు చేశారు.
ఆమె సీనియర్ మంత్రుల్లో చాలామంది పదుల సంఖ్యలో కేసుల్లో చిక్కుకున్నారు. హత్య కేసును ఎదుర్కొంటున్న మాజీ విదేశాంగ, సమాచార శాఖ మంత్రి దీపు మోనిని కోర్టులో ప్రతిపక్ష అనుకూల లాయర్లు తీవ్రంగా కొట్టారు.
లిట్మస్ టెస్ట్..
న్యాయవ్యవస్థ, పోలీసులు అన్ని స్థాయిలలో, భారీ ఒత్తిడికి గురవుతున్నట్లు కనిపిస్తోంది. అవామీ లీగ్ మూలాలకు వ్యతిరేకంగా కొనసాగుతున్న ఈ అరాచకాలపై ఎవరు వ్యతిరేకంగా మాట్లాడిన వాళ్లను దేశద్రోహులుగా చిత్రీకరిస్తున్నారు.
సుప్రీంకోర్టు ప్రధాన న్యాయమూర్తి, అతని న్యాయమూర్తులు విద్యార్థుల అల్టిమేటంతో రాజీనామా చేశారు. వారికి నిరసన కారులు కేవలం రెండు గంటలు మాత్రమే సమయం ఇచ్చారు. ఇది ప్రజలకు, ప్రపంచానికి ఎటువంటి సందేశం ఇచ్చిందో వారికి అనవసరం.
నోబెల్ గ్రహీత యూనస్ వలె గౌరవించబడే ఎవరైనా ఈ ధోరణిని తిప్పికొట్టలేకపోతే, పోలీసు.. న్యాయవ్యవస్థపై విశ్వాసాన్ని పునరుద్ధరించలేకపోతే, బంగ్లాదేశ్ ప్రతీకార గణతంత్ర రాజ్యంగా దిగజారవచ్చు.
(ఫెడరల్ అన్ని వైపుల నుంచి అభిప్రాయాలు, అభిప్రాయాలను అందించడానికి ప్రయత్నిస్తుంది. వ్యాసంలోని సమాచారం, ఆలోచనలు లేదా అభిప్రాయాలు రచయితకు చెందినవి. ఫెడరల్ అభిప్రాయాలను ప్రతిబింబించవు.)