లేబర్ పార్టీ గెలవడానికాదు.. కన్జర్వేటీవ్ ల ఓటమికే ఎన్నికలు

ప్రధాన మంత్రిగా తన ఆఖరి ప్రసంగంలో, సునక్ నిరుత్సాహంగా కనిపించారు. టెన్ డౌనింగ్ స్ట్రీట్ లో సునాక్ ఒక్కరే కనిపించారు. ఆయన వెనక భార్య అక్షతా మూర్తి మాత్రమే ఉన్నారు. దేశంలో వస్తున్న వ్యతిరేకతను తట్టుకోవడానికి మరో ఆరు నెలల సమయం ఉండగానే ముందస్తు ఎన్నికలకు తెరలేపారు సునక్.

ఆయన ఓటమిని స్వీకరిస్తూ, టోరీలకు క్షమాపణ చెప్పారు. "నేను మీ కోపం, మీ నిరాశను విన్నాను. నష్టానికి బాధ్యత వహిస్తాను" అని సునక్ దేశానికి చెప్పారు. అయితే, ఓటమికి నిజమైన బాధ్యత సునాక్ పూర్వీకులు, మాజీ ప్రధానులు బోరిస్ జాన్సన్, లిజ్ ట్రస్‌లపై ఉంది.

మొదటి నుంచి ఇది లేబర్ గెలవడానికి కాకుండా కన్జర్వేటివ్‌లకు ఓడిపోవడానికి జరిగిన ఎన్నికలుగా రాజకీయ విశ్లేషకులు వ్యాఖ్యానించారు. 2019 ఎన్నికల్లో బోరిస్ జాన్సన్ హౌస్ ఆఫ్ కామన్స్‌లోని 650 సీట్లలో 365 స్థానాలను గెలుచుకుని చారిత్రాత్మక మెజారిటీతో గద్దెనెక్కార. అయినప్పటికీ, అతను కోవిడ్ లాక్‌డౌన్ సమయంలో డౌనింగ్ స్ట్రీట్‌లో స్కామ్‌లు, పార్టీలతో తన విశ్వసనీయతను పోగొట్టుకున్నాడు. సెప్టెంబరు 2022లో జాన్సన్ రాజీనామా చేయవలసి వచ్చే సమయానికి - అతనిని వెన్నుపోటు పొడిచిన మొదటి వ్యక్తి సునక్ - అప్పటికే కన్జర్వేటివ్‌ల ప్రజాదరణ తగ్గుముఖం పట్టింది.

జాన్సన్ వారసుడు లిజ్ ట్రస్ ఒక విపత్తు. చరిత్రలో అతి తక్కువ రోజులు ప్రధానిగా పదవీ బాధ్యతలు స్వీకరించిన నాయకురాలిగా అపఖ్యాతి మూటగట్టుకున్నారు. ఆమె కేవలం 45 రోజులు మాత్రమే పదవిలో ఉన్నారు. ఈ కాలంలోనే కన్జర్వేటీవ్ లు చితికిపోయారు. ఈ పరాజయం నుంచి టోరీలు నిజంగా కోలుకోలేదని చెప్పాలి. ఆర్ధికంగా పరిపాలన గాడి తప్పడంతో టోరీలంతా కలిసి కన్జర్వేటీవ్ ను గాడిలో పెట్టడానికి సునక్ ను తీసుకొచ్చారు. అయితే 2015 లో మొదటి సారి ఎంపీ అయిన సునక్,, అనుభవం లేని రాజకీయవేత్త పాలనను గాడిలో పెట్టడానికి చేసిన ప్రతి నిర్ణయం విఫలం అయింది.

బ్రిటీష్ ప్రజలకు జాన్సన్ నేతృత్వంలోని కన్జర్వేటీవ్ ల గొడవలు చిన్నపిల్లల గొడవల్ల కనిపించాయి. 2022లో నే కన్జర్వేటీవ్ లు ఎన్నికలకు పిలుపునిచ్చి ఉండాలి. కానీ తమ పదవుల కోసం వారు సునక్ ను తీసుకొచ్చారు.

సునక్ బాధ్యతలు స్వీకరించినప్పటికీ ఒపీనియన్ పోల్స్‌లో లేబర్ పార్టీకే ఆధిక్యం అప్పటికే రెండంకెలలో ఉంది. సునక్ ఒకదాని తర్వాత మరొకటి తప్పుడు నిర్ణయాలతో దాని ఇమేజ్ రోజురోజుకి రెట్టింపు అయిందనే చెప్పాలి. ఆరు వారాల క్రితం, సునక్ ఎన్నికలను ప్రకటించినప్పుడు, లేబర్ పార్టీ కి టోరీల కంటే 20 పాయింట్ల ఆధిక్యాన్ని ఇచ్చాయి.

అయితే యూకేలో అసలు బాంబు ఇంకా పేలలేదు. జూన్ 3న, మావెరిక్ రాజకీయ నాయకుడు నిగెల్ ఫరేజ్ తాను రిఫార్మ్ UK నాయకుడిగా, ఎసెక్స్‌లోని క్లాక్టన్ నుంచి అభ్యర్థిగా ఫ్రంట్‌లైన్ రాజకీయాల్లోకి తిరిగి వస్తానని ప్రకటించాడు.

ఫారాజ్ 1993లో యుకె ఇండిపెండెన్స్ పార్టీ (UKIP) స్థాపక సభ్యుడు, దీని లక్ష్యం యూరోపియన్ యూనియన్ నుంచి బ్రిటన్‌ను బయటకు తీసుకురావడమే. UKIP తర్వాత బ్రెక్సిట్ పార్టీగా చివరికి 2020లో సంస్కరణ UK గా పేరు మార్చుకుంది.

దేశంలోని వివిధ ప్రాంతాల నుంచి ఏడుసార్లు హౌస్ ఆఫ్ కామన్స్‌కు ఎన్నిక కావడానికి విఫలయత్నం చేయడంతో, ఫారేజ్ మార్చి 2021లో తాను రాజకీయాల నుంచి రిటైర్ అవుతున్నట్లు అలాగే రిఫార్మ్ UK నాయకత్వం నుంచి రాజీనామా చేస్తున్నట్లు ప్రకటించారు.

టోరీలతో ప్రజల అసంతృప్తిని చూసిన ఫరాజ్ గత నెలలో మరోసారి రాజకీయంగా ఆక్టివ్ అయ్యారు. వలసలను అరికట్టడంలో ప్రభుత్వం అసమర్థతతో అసంతృప్తితో ఉన్న రైట్-వింగ్ కన్జర్వేటివ్ ఓటర్లను లక్ష్యంగా చేసుకుని అతను ప్రచారాన్ని నడిపాడు.

దాదాపు రెండు వారాల క్రితం, సంస్కరణ వాదీ అని తనకు తాను పిలుచుకునే వ్యక్తి.. ప్రధానమంత్రి సునక్‌ను "af*****g పాకీ" అని పిలుస్తూ ఉండటం కెమెరాలో రికార్డు అయింది . బ్రిటిష్-భారతీయులు తమను తాము బ్రిటిష్-పాకిస్తానీల నుంచి వేరు చేయడానికి ఎంత ప్రయత్నించినా, జాత్యహంకారవాదులకు దక్షిణాసియా ప్రజలందరూ "పాకీలు" గానే ఇప్పటికీ అభివర్ణిస్తున్నారు! ఇది అక్కడ తీవ్ర కలకలం రేపింది. దీనిపై ప్రభుత్వం నుంచి ఆశించిన స్థాయిలో ప్రతిస్పందన రాలేదు.

చివరకు తన ఎనిమిదో ప్రయత్నంలో MPగా ఎన్నికవ్వడమే కాకుండా, Farage's Reform UK మరో నాలుగు స్థానాలను కూడా గెలుచుకుంది. కానీ వారి నిజమైన విజయం కన్జర్వేటివ్ పార్టీ ఓట్లను చీల్చే ఓట్-కటర్ రూపంలో వచ్చింది. ఆ పార్టీ ఏకంగా 12 శాతం ఓట్లను చీల్చింది. లేబర్ పార్టీకీ 32 శాతం ఓట్లు, కన్జర్వేటీవ్ లకు 22 శాతం ఓట్లు వచ్చాయి.

కన్జర్వేటీవ్ లు ఓడిపోయిన దాదాపు 170 స్థానాల్లో రిఫార్మ్ పార్టీ మార్జిన్ల కంటే తక్కువ స్థాయిలో ఉన్నయని చెప్పవచ్చు. లేబర్ పార్టీ గెలిచిన అనేక నియోజకవర్గాల్లో యూకే రిఫార్మ్ పార్టీ రెండో స్థానంలోకి దూసుకొచ్చింది.

కన్జర్వేటీవ్ ల పాలనపై ప్రజలు తీవ్రంగా విసుగు చెంది ఉన్నారు. పెద్ద పెద్ద టోరీలు సైతం ఈ ఎన్నికల్లో తీవ్రంగా ఎదురీత కొనసాగించారు. వారిలో మాజీ ప్రధాని లిజ్ ట్రస్, రక్షణ మంత్రి గ్రాంట్ షాప్స్, హౌస్ ఆఫ్ కామన్స్ లీడర్ పెన్నీ మౌర్డాంట్ - మొత్తం 44 మంది టోరీ మంత్రులు తమ స్థానాలను కోల్పోయారు. రీకౌంటింగ్ తర్వాత కన్జర్వేటివ్ పార్టీ చైర్మన్ రిచర్డ్ హోల్డెన్ 20 ఓట్ల తేడాతో తన స్థానాన్ని నిలబెట్టుకోగలిగారు.

ఈ ఎన్నికలలో కన్జర్వేటివ్‌లు గెలుపొందగలిగిన ఏకైక నియోజకవర్గం లీసెస్టర్ ఈస్ట్‌లో 30 ఏళ్ల, భారతీయ సంతతికి చెందిన శివాని రాజా. ఆమె ముందున్న లేబర్ రాజకీయవేత్తను ఓడించగలిగారు. లీసెస్టర్ ఈస్ట్‌లో దక్షిణాసియా జనాభా ఎక్కువగా ఉంది. గత 37 సంవత్సరాలుగా సురక్షితమైన లేబర్ సీటుగా దీనికి పేరుంది. లేబర్ పార్టీ నుంచి బహిష్కరణకు గురైన తర్వాత స్వతంత్ర అభ్యర్థులుగా నిలిచిన అధికారిక లేబర్ అభ్యర్థి రాజేష్ అగర్వాల్, వెబ్బే, వాజ్ మధ్య లేబర్ ఓటు చీలిపోవడంతో రాజా గెలుపొందారు.

లిబరల్ డెమోక్రాట్‌లు కన్జర్వేటివ్ అభ్యర్థిని ఓడించడాన్ని వారు మూకుమ్మడిగా ప్రజల్లోకి వెళ్లారు. ఫలితంగా వారు ఈ ఎన్నికల్లో 71 స్థానాలను గెలుపొందారు. 2011 లో వారి సంఖ్య కేవలం 11 మాత్రమే. వీరు టోరీలను తమ ప్రధాన ప్రత్యర్థిగా పరిగణించారు.

బ్రిటీష్ రాజకీయాల్లో సంప్రదాయం ప్రకారం, కొత్త నాయకుడి ఎన్నికకు ఏర్పాట్లు పూర్తయిన వెంటనే కన్జర్వేటివ్ పార్టీ నాయకత్వం నుంచి తప్పుకుంటానని సునక్ స్పష్టం చేశారు. అయితే తన భవిష్యత్తు ప్రణాళికలు ఏమిటో మాత్రం చెప్పలేదు.

ఆసక్తికరంగా, సునక్ వారసుడు, సర్ కీర్ స్టార్మర్, ప్రధానమంత్రిగా తన మొదటి ప్రసంగంలో సునక్‌పై ప్రశంసల వర్షం కురిపించాడు. “మన దేశం మొదటి బ్రిటీష్ ఆసియా ప్రధాన మంత్రిగా ఆయన సాధించిన ఘనత, అవసరమైన అదనపు కృషిని ఎవరూ తక్కువ అంచనా వేయకూడదు. మేము ఈ రోజు దానికి నివాళులర్పిస్తున్నాము. అతను తన నాయకత్వానికి తీసుకువచ్చిన అంకితభావం కృషిని గుర్తించాము, ”అని సర్ కీర్ అన్నారు.