దేశంలో మతతత్వ రాజకీయాలు ముగిశాయి: అఖిలేష్ యాదవ్

సార్వత్రిక ఎన్నికల ఫలితాలో దేశంలో ఇక మత రాజకీయాలకు ముగింపు పలికాయని, ఇది ఇండి కూటమికి నైతిక విజయమని సమాజ్ వాదీ పార్టీ అధినేత అఖిలేష్ యాదవ్ అన్నారు. రాష్ట్రపతి ప్రసంగానికి ధన్యవాద తీర్మానంపై చర్చలో పాల్గొన్న కన్నౌజ్ ఎంపీ, ఎన్నికల ఫలితాలు వెలువడిన జూన్ 4 నే దేశానికి మత రాజకీయాల నుంచి స్వాతంత్య్రం లభించిందన్నారు.

"ఇండి కూటమే దేశానికి అనుకూలమని యావత్ దేశం అర్థం చేసుకుంది. ఈ ఎన్నికలు ఇండి కూటమి నైతిక విజయం. ఇది సానుకూల రాజకీయాల విజయం. ఇది PDA, సామాజిక న్యాయ ఉద్యమ విజయం. 2024 సందేశం కూడా ఇండి కూటమి బాధ్యతను పెంచింది" అని ఉత్తరప్రదేశ్ మాజీ ముఖ్యమంత్రి అన్నారు.