ఆ పార్టీ గురించి చిన్న పిల్లవాడిని అడిగిన చెప్తారు : మోదీ

ప్రతిపక్ష కాంగ్రెస్ పార్టీ అంతర్గత పోరుతో బిజీగా ఉందని, ఈ విషయం హర్యానాలోని చిన్న పిల్లలకు సైతం తెలుసని ప్రధాని నరేంద్ర మోదీ అన్నారు. రాష్ట్రానికి సేవ చేసేందుకు బీజేపీ మరో అవకాశం ఇవ్వాలని ప్రజలు ఇప్పటికే నిర్ణయించుకున్నారని అన్నారు.

NaMo యాప్ ద్వారా హర్యానా బీజేపీ కార్యకర్తలతో ఇంటరాక్ట్ అయిన ప్రధాని రాబోయే రాష్ట్ర ఎన్నికల కోసం బూత్ స్థాయిలో ఫీల్డ్ వర్క్ గురించి చర్చించారు. ఎన్నికల్లో పార్టీ గెలవడానికి వ్యూహాన్ని రూపొందించమని వారికి దిశా నిర్దేశం చేశారు. గడచిన 10 ఏళ్లలో కాంగ్రెస్ ప్రతిపక్షంగా విఫలమైందని ఆరోపిస్తూనే, గ్రాండ్ ఓల్డ్ పార్టీ తనకు లభించిన ఎక్కువ సమయం అంతర్గత పోరుకు, పరస్పరం పోటీకి దిగడానికి ఉపయోగిస్తుందని అన్నారు.