‘చిరాగ్ పాసవాన్’ కు కమలదళం చెక్ పెట్టబోతుందా?

బీహార్ లో బీజేపీ తన రాజకీయ ఎత్తులను తిరిగి ప్రారంభించింది. 2024 సార్వత్రిక ఎన్నికల తరువాత ఎన్డీఏ ప్రభుత్వం ఏర్పడటానికి తనవంతు సాయం అందించిన చిరాగ్ పాసవాన్ కు చెక్ పెట్టడమే లక్ష్యమా అన్నట్లు వ్యవహరిస్తోంది. పాసవాన్ బాబాయ్, తనతో రాజకీయ వైరం ఉన్న పశుపతి కుమార్ పరాస్ నేతృత్వంలోని రాష్ట్రీయ లోక్ జనశక్తి పార్టీ తో సత్సంబంధాలను నెరుపుకునేందుకు ప్రయత్నిస్తోంది.

త్వరలో బీహార్ లోని నాలుగు అసెంబ్లీ స్థానాలకు ఉప ఎన్నికలు జరగబోతున్నాయి. ఈ సందర్భంగా పశుపతి, బీజేపీ రాష్ట్ర చీఫ్ దిలీప్ జైశ్వాల్ ను పాట్నాలో పార్టీ కార్యాలయంలో సమావేశం అయ్యారు. ఇది నిజంగా చిరాగ్ కు చిరాకు తెప్పించే వ్యవహరమే. ఆయనకు ఐదుగురు ఎంపీలు ఉన్నారు.

ఆయన ఎంపీలు భేషరుతుగా నరేంద్ర మోదీ ప్రభుత్వానికి మద్దతు ప్రకటించారు. అయినప్పటికీ బీజేపీ అతని బాబాయ్, రాజకీయ ప్రత్యర్థిని ఎందుకు చేరదీసింది? రాజకీయంగా తిరిగి అతడిని బలోపేతం చేయడంపై దృష్టి పెట్టినట్లు కనిపిస్తోంది.