పహల్గామ్ దాడిపై విచారణ చేయాలన్న పిటిషన్ పై సుప్రీంకోర్టు ఆగ్రహం

పహల్గాం ఉగ్రవాద ఘటనపై సుప్రీంకోర్టులో దాఖలు చేసిన పిటిషన్ పై అత్యున్నత న్యాయస్థానం ఆగ్రహం వ్యక్తం చేసింది. ఇలాంటి సమయంలో కూడా దేశ భద్రతా బలగాలను స్థైర్యాన్ని దెబ్బతీసే ఇలాంటి పిటిషన్లు ఎందుకు దాఖలు చేస్తారని పిటిషనర్ కు గట్టిగా తలంటింది.

మీరు కూడా భారతీయులే అని, సామాజిక బాధ్యతతో వ్యవహరించాలని సూచించింది. ఉగ్రవాద ఘటనపై విచారించడానికి న్యాయస్థానంలోని జడ్జీలు నిపుణులు కాదని తేల్చింది.

ఇతర రాష్ట్రాల్లోని కాశ్మీరీ విద్యార్థులకు ఈ ఘటన తరువాత టార్గెట్ గా మారే అవకాశం ఉందని, దీనిని విచారించి తగిన ఆదేశాలు జారీ చేయాలని పిటిషనర్ కోరారు. అయితే సుప్రీంకోర్టు ఈ విజ్ఞప్తిని తిరస్కరించింది. తగిన కోర్టులను ఆశ్రయిస్తే మీకు ఉపశమనం లభిస్తుందని పిటిషన్ ను కొట్టివేసింది.