జమ్మూకాశ్మీర్ లో కొనసాగుతున్న అరెస్టుల పర్వం.. తాజాగా ఎవరంటే..

జమ్మూకాశ్మీర్ లోని సీనియర్ న్యాయవాదీ నజీర్ అహ్మద్ రోంగాను గురువారం ఉదయం పోలీసులు అరెస్ట్ చేశారు. రాత్రి 1.10 నిమిషాల ప్రాంతంలో ఆయన ఇంటికి చేరుకున్న పోలీసులు అరెస్ట్ చేసి తమ వెంట తీసుకెళ్లారు. J&K హైకోర్టు బార్ అసోసియేషన్ ప్రస్తుత చైర్మన్ నజీర్ రోంగాపై పబ్లిక్ సేఫ్టీ యాక్ట్ (PSA) కింద కేసు నమోదు చేసినట్లు తెలిసింది. ఇది ఒక వ్యక్తిని విచారణ లేకుండా ఒక సంవత్సరం పాటు నిర్బంధించడానికి అధికారులకు అధికారం ఇస్తుంది. ఈ హాఠాత్ పరిణామంతో ఆయన కుటుంబ సభ్యులు ఆందోళన చెందుతున్నారు.