ఓడిపోతే కుంగిపోము.. గెలిస్తే పొంగిపోము: ఆర్జేడీ

బీహార్ అసెంబ్లీ ఎన్నికలలో విపక్ష ఆర్జేడీకి షాక్ తగిలిన తరువాత పార్టీ తొలిసారిగా స్పందించింది. ప్రజా సేవలో గెలుపోటములు సహజం అని, ఓడిపోతే కుంగిపోకుండా, గెలిస్తే పొంగిపోకుండా ఉండటమే ముఖ్యమని పేర్కొంది.

‘‘ప్రజా సేవ అనేది ఒక నిరంతర ప్రక్రియ, అంతులేని ప్రయాణం. అందులో హెచ్చుతగ్గులు అనివార్యం, ఓడిపోతే కుంగిపోకుండా, గెలిస్తే అహంకరించకుండా ఉండటమే అసలు విజయం’’ అని ఆర్జేడీ ఎక్స్ లో ట్వీట్ చేసింది. ఆ పార్టీ 143 స్థానాలలో పోటీ చేస్తే కేవలం 25 స్థానాలు మాత్రమే గెలుచుకోవడంతో క్యాడర్ మొత్తం డీలాపడింది. 

తనకు తాను పేదల పార్టీగా అభివర్ణించుకున్నా ఆర్జేడీ, పేదల ప్రజల గొంతుకను వినిపిస్తూనే ఉంటుందని పేర్కొంది. ‘‘రాష్ట్రీయ జనతాదళ్ పేదల పార్టీ, పేద ప్రజల గొంతును వినిపిస్తూనే ఉంటుంది’’ అని అది ట్వీట్ లో పేర్కొంది.