యనమల రాజకీయ ప్రస్తానం సిరమైనదని చెప్పిన పుస్తకం

పుస్తకంలోని విశేషాలు

"42 వసంతాల యనమల రాజకీయ ప్రస్తానం" పుస్తకం యనమల రామకృష్ణుడి రాజకీయ జీవితంలోని వివిధ దశలను, ఆయన చేపట్టిన పాత్రలను, ఆంధ్రప్రదేశ్ రాజకీయాలపై ఆయన ప్రభావాన్ని వివరిస్తుంది. ఈ పుస్తకం కేవలం ఆత్మకథగానే కాకుండా, రాష్ట్ర రాజకీయాల్లోని సంక్లిష్టతలు, పోరాటాలు, సామాజిక మార్పులను అర్థం చేసుకోవడానికి ఒక దర్పణంగా కూడా పనిచేస్తుంది.

యనమల 1983లో తుని నియోజకవర్గం నుంచి ఎమ్మెల్యేగా ఎన్నికై, ఎన్టీ రామారావు నేతృత్వంలోని మొదటి టీడీపీ ప్రభుత్వంలో న్యాయ, పురపాలక శాఖల మంత్రిగా సేవలందించారు. ఈ పుస్తకం ఆయన రాజకీయ జీవితంలోని ఈ ప్రారంభ దశలో ఎదుర్కొన్న సవాళ్లను, నేర్చుకున్న పాఠాలను వివరిస్తుంది. మహిళలకు ఆస్తి హక్కును కల్పించేందుకు నాటి ముఖ్యమంత్రి ఎన్ టీ రామారావు పూనుకోవడంతో ఆ బిల్లును ప్రవేశపెట్టే అవకాశం నాకు దక్కిందని యనమల తెలిపారు. తెలుగుదేశం పార్టీలో ఎన్టీఆర్ సమక్షంలో 1982 నవంబరు 22న చేరారు. ఈ విషయాన్ని పుస్తకంలో పొందు పరిచారు. తుని నుంచి ఆరు సార్లు ఎమ్మెల్యేగా గెలచి డబుల్ హ్యాట్రిక్ సాధించారు. ఎన్టీఆర్ క్యాబినెట్ లో తొలిసారిగా 1983 జనవరి 9న ప్రమాణ స్వీకారం చేశారు.

1995-1999 మధ్య యనమల ఆంధ్రప్రదేశ్ శాసనసభ స్పీకర్‌గా పనిచేశారు. ఈ సమయంలో టీడీపీలో జరిగిన ముఖ్యమైన రాజకీయ మార్పులు, ముఖ్యంగా ఎన్టీఆర్‌ను సీఎంగా తొలగించి చంద్రబాబు నాయుడు ముఖ్యమంత్రిగా బాధ్యతలు చేపట్టిన సంఘటనల సాక్షిగా ఆయన ఉన్నారు. ఈ పుస్తకం ఆ సందర్భాల్లో ఆయన అనుభవాలను విశ్లేషించింది. ఇన్నేళ్లుగా చంద్రబాబు వద్ద పనిచేయడం కూడా గొప్ప అనుభూతిని ఇచ్చిందని చెప్పారు.

1999-2003, 2014-2019 మధ్య ఆర్థిక మంత్రిగా యనమల రామకృష్ణుడు రాష్ట్ర ఆర్థిక వ్యవస్థను బలోపేతం చేయడానికి చేసిన కృషిని ఈ పుస్తకం వివరించింది. ఆర్థిక సంస్కరణలు, రాష్ట్ర విభజన తర్వాత ఆర్థిక సవాళ్లు, వాణిజ్య పన్నుల శాఖలో చేపట్టిన సంస్కరణలు ఈ గ్రంథంలో ప్రముఖంగా చర్చించారు. నాలుగు క్యాబినెట్లలో 15 ఏళ్లు ఆరు మంత్రిత్వ శాఖల్లో పనిచేశారు.

యనమల రామకృష్ణుడు తన రాజకీయ జీవితంలో సామాజిక న్యాయం, ముఖ్యంగా వెనుకబడిన వర్గాల (బీసీ) హక్కుల కోసం నిరంతరం కృషి చేశారు. కాకినాడ సెజ్ బాధితులైన రైతులు, మత్స్యకారుల సమస్యలను ప్రభుత్వం దృష్టికి తీసుకురావడం వంటి విషయాలు ఈ పుస్తకంలో హైలైట్ చేశారు.

తన పుస్తకంలో యనమల బావ వ్యక్తీకరణ స్వేచ్ఛ, పత్రికా స్వేచ్ఛ కోసం పాటు పడ్డట్టు రాసుకున్నారు. శాసన సభ స్పీకర్ గా ఉన్న సమయంలో సమావేశాలను లైవ్ టెలికాస్ట్ మొదటిసారిగా చేయించినట్లు పేర్కొన్నారు. ఈ విధంగా చేయడం వల్ల ప్రతినిధుల్లో ప్రజల పట్ల జవాబుదారీ తనం పెంచినట్లు చెప్పుకున్నారు. ప్రజాస్వామ్యానికి ప్రసార మాధ్యమాలే ప్రాణవాయువని నమ్మారు. త్రికరణ శుద్ధిగా పాటించారు. 2007లో జీవో 938కి, 2019లో జివో 2430కి వ్యతిరేకంగా రాజీలేని పోరాటం చేసినట్లు ఆయన అభిమాన సంఘం వారు ముందు మాటల్లో పేర్కొన్నారు. మూడు ఛానళ్లను నాడు అసెంబ్లీలోకి రాకుండా బ్యాన్ చేస్తే అసెంబ్లీ వేదికగా ధ్వజమెత్తినట్లు ముందు మాటలో వివరించారు.

న్యాయవాదిగా, రాజ్యాంగ కోవిదుడుగా, రాజకీయ నాయకుడిగా, సమర్త పాలకుడిగా, వక్తగా, వ్యాసకర్తగా బహుముఖ ప్రజ్ఞా పాఠవాలు యనమల ప్రదర్శించారని ఆయన అభిమానులు ముందు మాటలో చెప్పటం విశేషం. మొత్తం రెండు వందల పేజీలతో జీవన చిత్రాన్ని చిత్రీకరించారు. ‘యనమల రాజకీయ ప్రస్థానం-42’ (1982-2024) పేరుతో ఈ పుస్తకం ఆవిష్కరించారు.

ఆసక్తికర అంశాలు

టీడీపీ ఆవిర్భావం నుంచి రాష్ట్ర విభజన వరకు ఆంధ్రప్రదేశ్‌లో జరిగిన అనేక రాజకీయ సంక్షోభాల సమయంలో యనమల రామకృష్ణుడు కీలక పాత్రలు పోషించారు. ఈ సందర్భాల్లో ఆయన తీసుకున్న నిర్ణయాలు, వాటి వెనుక ఉన్న సందిగ్ధతలు ఈ పుస్తకంలో ఆసక్తికరంగా వివరించారు.

ఎన్టీ రామారావు టీడీపీని స్థాపించిన సమయంలో యనమల ఆయనతో సన్నిహితంగా పనిచేశారు. ఎన్టీఆర్ రాజకీయ దృక్పథం, నాయకత్వ శైలి, ఆయనతో జరిగిన సంభాషణలు ఈ పుస్తకంలో ఆకర్షణీయమైన అంశాలుగా ఉన్నాయి. రాజకీయ నాయకుడిగా యనమల ఎదుర్కొన్న వ్యక్తిగత, వృత్తిపరమైన సవాళ్లు, ముఖ్యంగా 2004 ఎన్నికల్లో ఓటమి, రాష్ట్ర విభజన సమయంలో టీడీపీ ఎదుర్కొన్న సంక్షోభం వంటివి ఈ పుస్తకంలో హృదయస్పర్శిగా వివరించ కలిగారు.

తుని నియోజకవర్గం నుంచి ఆరుసార్లు ఎమ్మెల్యేగా ఎన్నికైన యనమల, ఈ ప్రాంత అభివృద్ధికి చేసిన కృషిని పుస్తకంలో వివరించారు. స్థానిక సమస్యలను పరిష్కరించడం, ప్రజలతో నిరంతర సంబంధం వంటి అంశాలు ఈ గ్రంథాన్ని స్థానిక పాఠకులకు మరింత ఆకట్టుకునేలా చేశాయి. యనమల రామకృష్ణుడు తన రాజకీయ జీవితంలో గమనించిన, రాష్ట్ర రాజకీయాల్లోని మార్పులు, టీడీపీ విధానాలు, ఇతర పార్టీలతో సంబంధాలు, భవిష్యత్తు రాజకీయ దిశను ఈ పుస్తకంలో విశ్లేషించారు. ఇవి రాజకీయ ఔత్సాహికులకు ఆలోచనాత్మకమైన అంశాలుగా ఉన్నాయి.

రైటర్స్ ద్వారా పుస్తక రచన

ఈ పుస్తకం రచన యనమల రామకృష్ణుడితో పరిచయం ఉన్న వారితో సాగింది. ఒక్కో అంశాన్ని ఒక్కో రైటర్ కు యనమల వివరించారు. వారు ఆ తరువాత రాసి పుస్తకంగా రూపొందించారు. వాక్చాతుర్యం, రచనల్లో దిట్ట అయిన వారు రచించడంతో రచనకు కొత్తదనం వచ్చిందని చెప్పొచ్చు. ఈ విషయాన్ని యనమల పుస్తకావిష్కరణ సభలో స్వయంగా వివరిస్తూ తన జీవిత విశేషాలను పుస్తకంగా రచించిన తీరును వివరించారు.

పుస్తకావిష్కరణ కార్యక్రమం

కాకినాడ జిల్లా తుని పట్టణంలో జరిగిన పుస్తకావిష్కరణ కార్యక్రమం ఒక గొప్ప రాజకీయ సంఘటనగా నిలిచింది. ఈ కార్యక్రమంలో ఆంధ్రప్రదేశ్ శాసనసభ స్పీకర్ అయ్యన్నపాత్రుడు ముఖ్య అతిథిగా పాల్గొని, యనమల రామకృష్ణుడి రాజకీయ సేవలను కొనియాడారు. ఈ పుస్తకం యనమల రాజకీయ జీవితంలోని అనుభవాలను ప్రజల ముందుకు తీసుకొచ్చిన విధానాన్ని అయ్యన్నపాత్రుడు ప్రశంసించారు. ఈ కార్యక్రమంలో వ్యవసాయ శాఖ మంత్రి కింజరాపు అచ్చెన్నాయుడు, పురపాలక శాఖ మంత్రి పి నారాయణ, హోం శాఖ మంత్రి వంగలపూడి అనిత, టీడీపీ నాయకులు, స్థానిక ప్రముఖులు, ప్రజలు పెద్ద సంఖ్యలో పాల్గొన్నారు. ఇది యనమల ప్రజాదరణను సూచిస్తుంది.

"42 వసంతాల రాజకీయం" యనమల రామకృష్ణుడి రాజకీయ జీవితాన్ని కేవలం ఒక వ్యక్తి కథగా మాత్రమే కాకుండా, ఆంధ్రప్రదేశ్ రాజకీయ చరిత్రలో ఒక ముఖ్యమైన అధ్యాయంగా పేర్కొన్నారు. ఈ పుస్తకం రాజకీయ నాయకులు, చరిత్రకారులు, సామాన్య పాఠకులకు ఒకే విధంగా ఆసక్తిని కలిగిస్తుంది. యనమల ఎదుర్కొన్న సవాళ్లు, ఆయన సాధించిన విజయాలు, రాజకీయ విశ్లేషణలు ఈ గ్రంథాన్ని ఒక విలువైన రచనగా నిలిపాయి. తుని పట్టణంలో జరిగిన ఈ పుస్తకావిష్కరణ యనమల రామకృష్ణుడి రాజకీయ వారసత్వాన్ని జరుపుకునే సందర్భంగా మారింది.