ఆస్ట్రేలియా పర్యటనలో ఏపీ స్పీకర్‌ అయ్యన్న

ఆంధ్రప్రదేశ్‌ అసెంబ్లీ స్పీకర్‌ చింతకాయల అయ్యన్నపాత్రుడు విదేశీ పర్యటనకు వెళ్లారు. అధికారిక పర్యటనలో భాగంగా ఆస్ట్రేలియాలో టూర్‌కు వెళ్లారు. స్పీకర్‌ అయ్యన్నపాత్రుడితో పాటు ఆయన కుమారుడు చింతకాయల రాజేష్, శాసనసభ కార్యదర్శి ప్రసన్నకుమార్‌ సూర్యదేవర కూడా వెళ్లారు. ఆస్ట్రేలియాలోని సిడ్నీ నగరానికి చేరుకున్న అయ్యన్న పాత్రుడికి అక్కడ తెలుగు ప్రజలు ఘన స్వాగతం పలికారు. న్యూ సౌత్‌వేల్స్‌ పార్లమెంట్‌ ఏర్పాటు చేసిన 67వ కాన్ఫరెన్స్‌లో అయ్యన్న పాత్రుడు పాల్గొననున్నారు. ఈ సమావేశాలు ఈ నెల 8వ తేదీ వరకు జరగనున్నాయి. అనంతరం అక్కడ నుంచి బయలుదేరి ఆంధ్రప్రదేశ్‌కు రానున్నారు. ఆంధ్రప్రదేశ్‌ అసెంబ్లీ సమావేశాలు కూడా త్వరలోనే ప్రారంభం కానున్నాయి. ఈ నెల 11 నుంచి నిర్వహించాలని ఇప్పటికే నిర్ణయించారు. దాదాపు 10 రోజుల పాటు ఈ సమావేశాలు జరగనున్నాయి. రాష్ట్రానికి సంబంధించిన పూర్తి స్థాయి బడ్జెట్‌ను ఈ సమావేశాల్లో ప్రవేశపెట్టనున్నారు.