'ఉల్లిపాయ పొట్టూ' తీయలేవని పవన్ ను తిట్టిన ఆ విజయసాయేనా ఈయన..

ఉల్లిపాయ మీద పొట్టూ తీయలేవని పవన్ ను తిట్టిన మాజీ ఎంపీ విజయసాయి రెడ్డి ఇప్పుడు ప్లేట్ ఫిరాయించారు. జనసేన అధినేత, ప్రముఖ సినీనటుడు, రాష్ట్ర ఉప ముఖ్యమంత్రి పవన్ కల్యాణ్ తనకు మంచి మిత్రుడన్నారు. పవన్ ను తాను ఎన్నడూ ఒక్కమాట అనలేదని అన్నారు. శ్రీకాకుళంలో రెడ్డి సంక్షేమ సంఘం ఏర్పాటు చేసిన కార్యక్రమంలో పాల్గొనేందుకు ఆదివారం వచ్చిన విజయసాయి రెడ్డి మీడియాతో మాట్లాడుతూ కీలక వ్యాఖ్యలు చేశారు.

తనకు చంద్రబాబుకు ఎటువంటి వైరం లేదని అన్నారు. అలాగే పవన్ కల్యాణ్ తనకు 20 ఏళ్లుగా మంచి మిత్రుడని, ఆనాటి నుంచి తమ మధ్య స్నేహం కొనసాగుతుందని చెప్పారు. పవన్ ను తాను ఎన్నడూ ఒక్క మాట అనలేదని స్పష్టం చేశారు.