చంద్రబాబు ‘ప్రజాగళం’ ప్రచారానికి ముహూర్తం ఫిక్స్

రాష్ట్రవ్యాప్తంగా ‘ప్రజాగళం’ పేరిట ప్రచారం ప్రారంభించడానికి టీడీపీ సిద్ధమైంది. ఈ అంశంపై టీడీపీ అధినేత చంద్రబాబు పార్టీ నేతలు, కార్యకర్తలు సమావేశమయ్యారు. ఇందులో భాగంగా ‘ప్రజాగళం’ పేరిట అన్ని నియోజకవర్గాల్లో నిర్వహించే సభలు, రోడ్‌షోల్లో అందరూ పాల్గొని వాటిని విజయవంతం చేయాలని ఆయన కోరారు. అందుకు పార్టీ శ్రేణులు కూడా సిద్ధంగా ఉన్నట్లు తెలిపాయి. ఈ ‘ప్రజాగళం’ ప్రచారాన్ని ప్రారంభించడానికి ప్రణాళికలు కూడా సిద్ధం చేసినట్లు పార్టీ వర్గాలు తెలిపాయి. ఈ ప్రచారాన్ని ఈ నెల 27న ప్రారంభించాలని పార్టీ అధిష్టానం ముహూర్తం ఫిక్స్ చేసిందని వెల్లడించాయి. ఇప్పటికే ఈ ప్రచారానికి సంబంధించిన రూట్ మ్యాప్‌ను కూడా సిద్ధం చేసినట్లు తెలిపాయి. త్వరలోనే ఈ రోడ్ మ్యాప్‌ను చంద్రబాబు లేదా అచ్చెన్నాయుడు ప్రకటిస్తారని పార్టీ వర్గాలు చెప్పాయి.