వరల్డ్ కప్: వింతగా పిచ్ దగ్గర సెలబ్రేట్ చేసుకున్న హిట్ మ్యాన్
భారత కెప్టెన్ రోహిత్ శర్మ టైటిల్ వింతగా సెలబ్రేట్ చేసుకున్నాడు. ఈ వేడుక ఇంతకుముందు టెన్నిస్ స్టార్ నోవాక్ జకోవిచ్ జరుపుకున్న..
By : The Federal
Update: 2024-06-30 12:09 GMT
ఒక ప్రత్యేక విజయం ఎల్లప్పుడూ ప్రజలలో వింత భావోద్వేగాలను బయటపెడుతుంది. ఒకప్పుడు బ్రెట్ లీ వికెట్ పడగానే భూమిని బాదుతున్నట్లు సంబరాలు చేసుకునేవాడు. టెన్నిస్ లో కప్ గెలవగానే నాడల్ పడుకుని, తరువాత జోకోవిచ్ టైటిల్ గెలవగానే పిచ్ పై ఉన్న మట్టిని, గడ్డిని రుచి చూసేవాడు. ఇప్పుడు ఈ జాబితాలో భారత కెప్టెన్ రోహిత్ శర్మ చేరాడు. శనివారం టీమిండియా విశ్వవిజేతగా నిలవడంతో హిట్ మ్యాన్ కూడా పిచ్ ను టేస్ట్ చేశాడు. ఇప్పుడు ఈ ఫొటో వైరల్ గా మారింది.
గత పదకొండు సంవత్సరాలుగా భారత జట్టు టైటిల్ ను గెలవలేకపోయింది. అయితే కప్పు గెలవగానే కెప్టెన్ మైదానంలో కెన్సింగ్ టన్ పిచ్ వద్దకు నిశ్శబ్ధంగా వెళ్లాడు. వంగి చిన్న మట్టిని తీసుకుని దానిని నాలుకు మీద పెట్టుకున్నాడు.
టెన్నిస్ అభిమానులకు ఈ విషయం గురించి తెలియంది కాదు. సెర్బియా యోధుడు గెలిచిన వెంటనే పిచ్ పై ఉన్న గడ్డి పరకను లేదా మట్టిని తీసుకుని నములుతుంటాడు. దీన్ని చాలామంది వీడియో గ్రాఫర్లు తమ కెమెరాల్లో బంధించారు. రోహిత్ కు సంబంధించి ఇదే విషయాన్ని సోషల్ మీడియా యుగంలో ఎవరో ఫొటో తీసి సోషల్ మీడియా లో పోస్ట్ చేశారు.ప్రస్తుతం ఇది జకోవిచ్, రోహిత్‌ల స్నాప్‌లను ఒకదానికొకటి ప్రక్కన పోస్ట్ చేయడం ద్వారా దాని సోషల్ మీడియా గేమ్‌ను పెంచింది.
కప్ అందుకునే సమయంలో ప్రత్యేకంగా ఒకరకమైన స్టెప్పులతో రోహిత్ వచ్చి బీసీసీఐ కార్యదర్శి జై షా నుంచి టైటిల్ అందుకున్నాడు. ఇది కూడా సామాజిక మాధ్యమాల్లో వైరల్ గా మారింది.