బోర్డర్ - గవాస్కర్ సిరీస్ నుంచి గ్రీన్ ఔట్.. ?

నవంబర్‌లో ప్రారంభమయ్యే బోర్డర్-గవాస్కర్ టెస్ట్ సిరీస్‌కు ముందు తను స్వదేశానికి తిరిగి వస్తున్న బ్యాటింగ్ ఆల్-రౌండర్, టెస్ట్ ఛాంపియన్ షిప్ లో అగ్రస్థానంలో ఉన్న జట్టుతో స్వదేశంలో జరిగే టెస్ట్ సిరీస్ లో పాల్గొనడానికి ఆసక్తిగా ఎదురుచూస్తున్నాని గ్రీన్ అన్నారు.

క్రికెటర్‌పై చేసిన స్కాన్‌లలో వెన్ను గాయం ఉన్నట్లు వెల్లడైంది. ఆస్ట్రేలియాలో మరిన్ని పరీక్షలు నిర్వహించిన తర్వాత అతను తిరిగి ఆడేదీ లేనిది నిర్ణయిస్తారు. క్రికెట్.కామ్.ఎయు ప్రకారం, ఆస్ట్రేలియా పురుషుల జట్టు ప్రతినిధి మాట్లాడుతూ గాయం తీవ్రత ఎలా ఉంది. అతను ఆడగలడా? ఇలాంటివన్నీ అతను పెర్త్ లోని ఇంటి దగ్గరికి వచ్చాకే తెలుస్తుందని అన్నాడు.

చెస్టర్-లీ-స్ట్రీట్‌లో జరిగిన మూడో మ్యాచ్ తర్వాత క్రికెటర్ గొంతు నొప్పి ఉందని చెప్పాడు. ఆ మ్యాచ్ లో గ్రీన్ బంతితో 45 పరుగులకు 2 వికెట్లు తీసుకున్నాడు. బ్యాట్‌తో 45 పరుగులు చేశాడు. UK పర్యటనలోని మునుపటి ఆరు మ్యాచ్‌లలో బౌలింగ్ చేసిన తర్వాత అతని పనిభారాన్ని తగ్గించుకోవడానికి అతను హెడింగ్లీలో జరిగిన రెండవ ODIకి దూరంగా ఉన్నాడు. ఇంతకుముందు కూడా గ్రీన్ కు వెన్ను నొప్పి గాయాలయ్యాయి. 2019-20 వేసవిలో అతనికి దిగువ వీపులో ఒత్తిడి, పగుళ్లు కారణంగా బౌలింగ్ కు దూరంగా ఉన్నాడు.

నవంబర్ 22న పెర్త్‌లో ప్రారంభంకానున్న మ్యాచ్‌తో భారత్‌తో తొలి టెస్టుకు దాదాపు రెండు నెలల సమయం ఉంది. దాదాపు పది సంవత్సరాల నుంచి బోర్డర్ గవాస్కర్ సిరీస్ ను భారతే గెలుస్తూ వస్తోంది. ఆస్ట్రేలియాలో గత రెండు సార్లు పర్యటనలో టీమిండియా అద్భుతంగా రాణించి సిరిస్ కైవసం చేసుకుంది. ఈసారి కూడా తన పూర్తి బలంతో అక్కడికి వెళ్లడానికి సన్నద్ధం అవుతోంది. అందుకోసమే మన దేశంలో నిర్వహిస్తున్న అన్ని టెస్ట్ సిరీస్ లో పేస్ కు అనుకూలంగా ఉండే పిచ్ లు రూపొందించి ప్రాక్టీస్ చేస్తోంది.