Game Changer | గేమ్ ఛేంజర్ టీజర్ వచ్చేసింది.. చెర్రీ అల్లాడించాడుగా..!
మెగాపవర్ స్టార్ రామ్ చరణ్.. ఆర్ఆర్ఆర్ తర్వాత సోలో హీరోగా చేస్తున్న సినిమా ‘గేమ్ ఛేంజర్’. తాజాగా ఈ సినిమా టీజర్ వచ్చింది. అదెలా ఉందంటే..
మెగాపవర్ స్టార్ రామ్ చరణ్(Ram Charan).. ఆర్ఆర్ఆర్(RRR) తర్వాత సోలో హీరోగా చేస్తున్న సినిమా ‘గేమ్ ఛేంజర్’(Game Changer). ఈ సినిమాతో చెర్రీ.. సంక్రాంతి(Sankranti) బరిలోకి దిగనున్నాడు. శంకర్(Shankar) దర్శకత్వం వహిస్తున్న ఈ సినిమా పొలిటికల్ డ్రామాగా తెరకెక్కుతోంది. ఇందులో బాలీవుడ్ భామ కియారా అద్వానీ(Kiara Advani), తెలుగమ్మాయి అంజలి హీరోయిన్లుగా నటిస్తున్నారు. ఈ సినిమాపై అభిమానులతో పాటు మూవీ టీమ్ కూడా భారీ అంచనాలు పెట్టుకుని ఉంది. ఈ సినిమాను జనవరి 10న విడుదల చేయాలని మూవీ మేకర్స్ నిర్ణయించుకున్నారు. ఇంకా రెండు నెలలు ఉన్నప్పటికీ ఇప్పటికే ‘గేమ్ ఛేంజర్’ ప్రమోషన్స్ స్టార్ట్ చేసేశారు.
ఎక్కడిక్కడ సినిమాను ప్రమోట్ చేస్తున్నారు. ఈ ప్రమోషన్స్‌లో నెవ్వర్ బిఫోర్ అన్న తరహాలో చేయనున్నట్లు నిర్మాత దిల్ రాజు ఇప్పటికే ప్రకటించారు. ఇందులో భాగంగానే తాజాగా ఈ సినిమా టీజర్‌ను విడుదల చేశారు. ఈ టీజర్ వచ్చీ రాగానే పూనకాలు పుట్టిస్తోంది. మెగా ఫ్యాన్స్‌కు ఈ టీజర్ కొత్త ఊపునిచ్చింది. ఈ సినిమాపై అంచానలను తారామండలానికి చేర్చింది. ఈ సినిమాలో చరణ్ ఓ ప్రభుత్వ అధికారిగా కనిపించనున్నాడని టీజర్ స్పష్టం చేసింది. ఈ టీజర్ అంతా కూడా యాక్షన్, పవర్ ఫుల్ డైలాగ్స్‌తో పవన్ ప్యాక్‌డ్‌గా కనిపిస్తోంది. టీజర్‌తోనే అదరగొట్టిన చరణ్.. సినిమా వస్తే ఒక జాతర్లే అంటూ అభిమానులు సంతోషం వ్యక్తం చేస్తున్నారు.
టీజర్ ఎలా ఉందంటే..
"బేసిక్‌గా రామ్ అంత మంచోడు ఇంకోడు లేడు.. కానీ కోపం వస్తే.. వాడంత చెడ్డోడు కూడా ఇంకొకడు ఉండడు" అన్న డైలాగ్ బ్యాక్‌గ్రౌండ్‌లో వస్తుండగా టీజర్ మొదలవుతుంది. ఆ తర్వాత ఈ సినిమాలో రామ్ చరణ్ కనిపించే గెటప్స్‌ను ఇంటర్‌డ్యూస్ చేశారు. దీనిని బట్టి చూస్తే సినిమాలో ఎక్కడా కూడా చరణ్.. స్టైలిష్ లుక్‌కు లోటు లేకుండా మేకర్స్ చూసుకున్నారని అర్థమువతోంది. కాగా ఈ టీజర్‌లో చరణ్ స్టైలిష్‌గా బైక్‌పై ఎంట్రీ ఇచ్చాడు. వైట్ కలర్ పంచెలో నడుస్తూ కనిపించాడు. ఆఫీసర్‌గా కూడా సందడి చేశాడు. ఈ టీజర్‌లో కియారాతో చరణ్ లవ్ ట్రాక్‌ను రివీల్ చేసింది టీమ్. ఆ తర్వాత సినిమాలోని ఇతర పాత్రలను పరిచయం చేశారు. చివర్లో చరణ్.. అన్ ప్రిడెక్టబుల్ అంటూ ఆసక్తి పెంచారు. మొత్తానికి స్టోరీ లైన్ క్లియర్‌గా రివీల్ చేయకుండా టీజర్‌ను ఇంట్రెస్టింగ్‌గా కట్ చేశారు మేకర్స్. చరణ్ మరోసారి తన టాలెంట్‌ను ప్రూవ్ చేసుకునే విధంగా కనిపిస్తున్నాడు. విభిన్నమైన రోల్స్‌లో మెప్పించాడు. అన్ని పాత్రల్లో కూడా ఒదిగిపోయాడు. యాక్షన్ సీక్వెన్స్‌లో ఇరగదీశాడు. తమన్ ఇచ్చిన బ్యాక్ గ్రౌండ్ స్కోర్ మంచి ఇంపాక్ట్ క్రియేట్ చేసింది. మొత్తానికి టీజర్ అయితే మెగా ఫ్యాన్స్‌కు పూనకాలు తెప్పించింది.
సినిమా క్యాస్ట్ వీళ్లే
శ్రీవెంకటేశ్వర క్రియేషన్స్ బ్యానర్‌పై రూపొందుతున్న ఈ సినిమాలో చరణ్ హీరోగా, కియారా, అంజలి హీరోయిన్లుగా నటిస్తున్నారు. వీరితో పాటు సముద్రఖని, ఎస్‌జే సూర్య, శ్రీకాంత్, ప్రకాస్ రాజ్, సునీల్ కీలక పాత్రల్లో కనిపించనున్నారు. వీరందరి పాత్రలు చాలా ఇంట్రస్టింగ్‌గా లింక్ అయి ఉంటాయని మేకర్స్ చెప్తున్నారు. మరి చూడాలి సంక్రాంతి గేమ్‌ను ఈ సినిమా ఎంతలా ఛేంజ్ చేస్తుందో.