ఎస్పీ బాలుకి తమిళనాడులో అరుదైన గౌరవం

ఎస్పీ బాలసుబ్రహ్మణ్యం తెలుగులోనే కాదు తమిళం, మళయాళం, హిందీ, కన్నడ ఇలా అనేక భాషల్లో పాటలను పాడి ప్రజలను అలరించారు. దాదాపు 40వేలకు పైగా పాటలు పాడిన బాలు అనేక రికార్డులను తన సొంతం చేసుకున్నారు. నెల్లూరు జిల్లాలో పుట్టి పెరిగిన ఎస్పీ బాలసుబ్రహ్మణ్యం ప్రస్థానం చెన్నై నగరంలోనే ప్రారంభమైంది. చిన్న చిన్న కచేరీలతో మొదలైన ఆయన కెరీర్‌ సినీ ప్రపంచానికి దగ్గర చేసింది. తిరిగులేని నేపధ్య గాయకుడిగా ఆయన గొంతుకను ప్రపంచ ఎల్లలు దాటేలా చేసింది. ౨౦౨౦లో బాలు మరణించారు.

ఎస్పీ బాలు తెలుగుతో పాటు తమిళం, కన్నడ, మలయాళం, హిందీ, మరాఠా భాషల్లో కూడా పాటలు పాడారు. 40 వేలకు పైగా పాటలు పాడి గిన్నిస్‌ రికార్డు కూడా అందుకున్నారు. కేంద్రం ఆయనకు 2001లో పద్మ శ్రీ, 2011లో పద్మ భూషణ్, 2021లో పద్మ విభూషణ్‌ అందించింది. కేవలం నేపధ్య గాయకుడుగానే కాకుండా నటుడిగా, మ్యూజిక్‌ డైరెక్టర్‌గా, డబ్బింగ్‌ ఆర్టిస్ట్‌గా చిత్ర పరిశ్రమకు ఎనలేని సేవలు అందించారు. హిందీలో రూపొందించిన ఏక్‌ దుజే కేలియే చిత్రం ద్వారా ఉత్తరాదిలో కూడా ఆయన పాగా వేశారు. ప్రముఖ నటుడు కమల్‌ హాసన్, రతి అగ్నిహోత్రి ప్రధాన పాత్రదారులుగా నటించిన ఆ చిత్రంలోని పాటలు నార్త్‌ ఇండియా ప్రేక్షకులను ఒక ఊపు ఊపాయి. 80వ దశకంలో తెలుగు నాట కుర్రకారును ఉర్రూతలూగించిన మరోచరిత్ర సినిమానే హిందీలో ఏక్‌ దుజే కేలియేగా తీసారు. మరోచరిత్రలో కమల్‌ హాసన్, సరిత హీరో హీరోయిన్‌లుగా నటించారు.