మాగుంట పార్వతమ్మ ప్రజల మనిషి- చంద్రబాబు

మాగుంట పార్వతమ్మ గత కొంత కాలంగా అనారోగ్యంతో బాధపడుతున్నారు. చెన్నైలోని ఓ ప్రైవేటు ఆసుపత్రిలో చికిత్స పొందుతూ బుధవారం తెల్లవారు జామున తుది శ్వాస విడిచారు. ఆమె వయసు 77 సంవత్సరాలు. ఇటీవల ఆమె కుమారుడు మాగుంట విజయబాబు మృతి చెందారు. కుమారుడు మరణంతో ఆమె మరింత కుంగి పోయారు. దీంతో ఆమె ఆరోగ్యం మరింతగా దెబ్బతినింది. ఆరోగ్యం విషమించడంతో కుటుంబ సభ్యులు ఆదివారం ఆమెను సభ్యులు చెన్నైలోని ఓ ప్రైవేటు ఆసుపత్రిలో చేర్పించారు. వెంటీలేటర్‌పై వైద్యులు చికిత్స అందజేశారు. పరిస్థితి విషమించడంతో ఆమె మరణించారు. పార్వతమ్మ భౌతికకాయన్ని బుధవారం మధ్యాహ్నం నెల్లూరులోని స్వగృహానికి తరలించనున్నారు. మాగుంట అభిమానుల సందర్శనం కోసం రేపు సాయంత్రం వరకు ఉంచనున్నారు. సాయంత్రం అంత్యక్రియలను నిర్వహించనున్నట్లు కుటుంబ సభ్యులు తెలిపారు.

మాజీ ఎంపీ మాగుంట సుబ్బరామిరెడ్డి మరణానంతరం ఆయన వారసురాలిగా మాగుంట పార్వతమ్మ రాజకీయాల్లోకి అడుగు పెట్టారు. ఒంగోలు ఎంపీగాను, కావలి ఎమ్మెల్యేగాను గతంలో పని చేశారు. 1996లో ఒంగోలు ఎంపీ స్థానానికి కాంగ్రెస్‌ అభ్యర్థిగా పోటీ చేసి గెలుపొందారు. తర్వాత 2004లో కావలి అసెంబ్లీ నియోజక వర్గం నుంచి పోటీ చేసి గెలుపొందారు. ప్రస్తుత ఒంగోలు ఎంపీ మాగుంట శ్రీనివాసుల రెడ్డికి పార్వతమ్మ వదిన అవుతారు. మాగుంట కుటుంబం నుంచి రాజకీయ వారసుడిగా ఆయన కొనసాగుతున్నారు. పార్వతమ్మ భర్త మాగుంబ సుబ్బరామిరెడ్డి ఉదయం దినపత్రికను కొంతకాలం నడిపారు.