దేవి నవరాత్రులు: మహిషాసుర మర్దినిదేవిగా కొలువైన అమ్మవారు

దేవి నవరాత్రుల మహోత్సవాలు చివరి దశకు చేరుకున్నాయి. దుర్గగుడికి భవానీ భక్తుల రాక మొదలైంది. దసరా ఉత్సవాల చివరి మూడు రోజుల్లో కొంత మంది భవానీలు అమ్మవారిని దర్శించుకుంటారు. దసరా మరుసటి రోజు నుంచి రెండు రోజుల పాటు వేల సంఖ్యలో భవానీలు అమ్మవారి దర్శనం చేసుకుంటారు. ఈ భవానీ భక్తుల కోసం దుర్గమ్మను శ్రీ రాజరాజేశ్వరీ దేవి అలంకారంలోనే రెండు రోజుల పాటు ఉంచుతారు. ఇంద్రకీలాద్రిపై అమ్మవారిని దర్శించుకున్న తర్వాత కొండ దిగువన కనకదుర్గనగర్‌లో భవానీలు మాల విరమణ చేస్తారు. బుధవారంతో పోల్చితే గురువారం భక్తుల సంఖ్య కాస్త తగ్గారు. మూల నక్షత్రం కావడంతో బుధవారం రెండు లక్షలకుపైగా భక్తులు తరలి వచ్చారు. గురువారం లక్ష మంది వరకు అమ్మవారి దర్శనం చేసుకున్నారు.