చంద్రబాబుకు కూడా ఏమైనా డబ్బులు అందాయా : షర్మిల ధ్వజం

టీడీపీ ప్రతిపక్షంలో ఉన్నప్పుడు అదానీ డీల్‌ పెద్ద కుంభకోణం అని ఆందోళ చేసింది. పెద్ద ఎత్తున ముడుపులు అందాయని ఆ పార్టీ సీనియర్‌ నేత, ప్రస్తుత మంత్రి పయ్యావుల కేశవ్‌ ఆరోపణలు చేశారు. కోర్టుకు సైతం వెళ్లారు. మరి ఇప్పుడు టీడీపీ అధికారంలో ఉంది. మరి ఈ విషయంపై ఎందుకు చర్యలు తీసుకోవడం లేదు? ఎందుకు మౌనంగా ఉన్నారు? అదానీకి చంద్రబాబు భయపడుతున్నారా? చంద్రబాబు ఒప్పందం రద్దులో ఎందుకు మీనమేషాలు లెక్కిస్తున్నారు? లాంగ్‌ టర్మ్‌ డీల్‌ చేయకూడదని తెలిసినా జగన్‌ ఎందుకు అమలు చేశారు? జగన్, అదానీ మధ్య ఒప్పందం ఎందుకు రద్దు చేయరు? చంద్రబాబుకు కూడా ఏమైనా డబ్బులు అందాయా? అని షర్మిల నిలదీశారు. చంద్రబాబు ఒప్పందాలను జగన్‌ చాలా తేలిగ్గా రద్దు చేశారు. మరి జగన్‌ ఒప్పందాలను చంద్రబాబు ఎందుకు రద్దు చేయడం లేదు? అని ప్రశ్నించారు. ఈనెల నుంచే ఈ విద్యుత్‌ భారాలు ప్రజలపై మోపారు. అక్రమాలన్ని స్పష్టంగా తెలిసినా చంద్రబాబు స్పందించరా? ఈ ఒప్పందాలు రద్దు చేయాలని చంద్రబాబుని డిమాండ్‌ చేస్తున్నాం. కేంద్రం జోక్యం చేసుకుని అదానీ, జగన్‌ మధ్య ఒప్పందాలు రద్దుచేయాలి. ఈ మేరకు సెంట్రల్‌ ఈఆర్‌సీకీ లేఖ రాస్తున్నామని వెల్లడించారు.