ప్రచారంపై పురందేశ్వరి ఫోకస్..

ఆంధ్రలో ఎన్నికల ముందు అన్ని పార్టీల అభ్యర్థులు ప్రచారాలకు సిద్ధం అవుతున్నారు. మరో రెండు రోజుల్లో అధికార, ప్రతిపక్ష పార్టీ అధినేతలు చంద్రబాబు, జగన్ కూడా తమ ప్రచారాన్ని ప్రారంభించడానికి సన్నద్ధం అవుతున్నారు. ఈ క్రమంలోనే తాజాగా బీజేపీ ఆంధ్ర అధ్యక్షురాలు పురందేశ్వరి కూడా ఎన్నికల ప్రచారంపై ఫోకస్ పెడుతున్నారు. ఇప్పటికే ప్రచారాన్ని ఎలా సాగించాలన్న అంశంపై పార్టీ నేతలతో చర్చలు కూడా చేస్తున్నట్లు సమాచారం. కాగా తన ప్రచారాన్ని రాజమండ్రి నుంచి ప్రారంభించి రాష్ట్రమంతా చేయాలని యోచిస్తున్నట్లు తెలుస్తోంది. ఇందులో భాగంగా ఎక్కడెక్కడ సభలు నిర్వహించాలి, ర్యాలీలు చేయాలి, ఎన్ని రోజులు చేయాలి అన్న విషయాలపై ఇప్పటికే పార్టీ శ్రేణులకు దిశానిర్దేశం కూడా చేశారు.