రోజా జబర్దస్త్‌ దోపిడీ...

వైఎస్‌ రాజశేఖర్‌రెడ్డి అంత పెద్ద మనిషిని పట్టుకుని పంచ ఊడదీసి కొట్టాలని తెలుగుదేశం పార్టీలో ఉండగా అన్నావే, అప్పుడు మీకు మేము గుర్తుకు రాలేదా నీ ఇంగితం ఏమైంది అంటూ ప్రశ్నించారు. నేను కాంగ్రెస్‌ పార్టీలో వైఎస్సార్‌టీపీని విలీనం చేశాను. పార్టీని మూసేయలేదు. కాంగ్రెస్‌లో నేను ఉన్నంతకాలం వైఎస్సార్‌టీపీ ఉంటుందని గుర్తుచేశారు. నీలాగా జబర్దస్త్‌ దోపిడీ చేయడం లేదని తీవ్ర స్థాయిలో ధ్వజమెత్తారు. తెలుగుదేశం పార్టీలో నిన్ను ఐరన్‌లెగ్‌ అంటూ పిలిచేవారు. అందుకు ఎవరినంటే వారిని నీ ఇష్టం వచ్చినట్లు తిట్టావు అవన్నీ గుర్తు పెట్టుకో అంటూ హెచ్చరించారు.

జబర్దస్త్‌ దోపిడీ అట..

వస్తూ వస్తూ ఎవరు మీ ఎమ్మెల్యే, ఎలా పనిచేస్తున్నారని ఒక అన్నను అడిగా. అంటే నాతో చెప్పిన వాళ్లు అమ్మా జబర్దస్త్‌ దోపిడీ. జబర్దస్త్‌గా దోచుకుంటున్నారన్నారు. పోనీ ఎలా ఉంది మీ ఎమ్మెల్యే అంటే ఎమ్మెల్యే కాదమ్మా మంత్రి అన్నారు. ఒకరు కాదమ్మా మంత్రులు నలుగురున్నారు. రోజా ఒక మంత్రి, భర్త, వాళ్ల అన్నలు ఇద్దరూ మంత్రులేనట. జబర్దస్త్‌గా దోచుకుంటున్నారట. గ్రావెల్, చెరువు మట్టి, ఇసుక వదలరట. పేదవాళ్ల కోసం హౌసింగ్‌ కడితే ఆ హౌసింగ్‌ మాఫియాతో కలిసి పేదవాళ్ల డబ్బు నుంచి వందల కోట్లు దోచుకున్నారమ్మా అన్నారు. ఉద్యోగాల కోసం వస్తే డబ్బులు, ఎవరైనా వెంచర్లు వేస్తే వెంచర్లలో వీళ్లకు ప్లాట్లు ఇవ్వాలి. లేదా కప్పమైనా కట్టాలి. వీళ్ల కన్ను పడిందీ అంటే ఆ ప్లాట్లు మిగలవమ్మా అన్నారు. ఇందుకేనా అధికారం ఇచ్చింది. ఇందుకేనా ఓట్లేసింది. ఎక్కడ చూసినా అవినీతే ప్రజల గురించి ఆలోచన చేసే వారులేరు అంటూ రోజాపై మండిపడ్డారు షర్మిల.