గీత దాటిన సజ్జలపై వేటు వేయమన్న టీడీపీ!

ఎన్నికల కోడ్‌ ఉల్లంఘించినందుకు సజ్జలపై చర్యలు తీసుకోవాలని ఎన్నికల సంఘాన్ని కోరారు. ఎన్నికలు సజావుగా జరగాలంటే వెంటనే ఆయన్ని ఆ పదవి నుంచి తొలగించాలని అచ్చెన్నాయుడు ఏపీ ఎన్నికల ప్రధానాధికారి ముకేష్‌ కుమార్‌ మీనాను కోరారు. ప్రభుత్వ ఖజానా నుంచి జీతం తీసుకుంటూ అధికార పార్టీ పనులు ఎలా చేస్తారన్నారు. అచ్చెన్నాయుడి లేఖలో ఏముందంటే...’ఎన్నికల నియమావళిని ఉల్లంఘిస్తూ మార్చి 18, 22వ తేదీల్లో ప్రెస్‌ మీట్లు పెట్టి ప్రతిపక్షాలపై బహిరంగ ఆరోపణలు చేశారు. ఎన్నికల నియమావళి ప్రకారం రాజకీయ నాయకులు, అధికారుల మధ్య వ్యక్తిగతంగా లేదా సమష్టిగా వీడియో కాన్ఫరెన్సులు నిషేధించారు. అందుకు విరుద్ధంగా వైసీపీ నాయకులు, అభ్యర్థులతో సజ్జల భేటీలు, వీడియో కాన్ఫరెన్సులు నిర్వహిస్తున్నారు. ఐపీసీ 171, 123, 129, 134, 134 ఏ సెక్షన్లను సజ్జల ఉల్లంఘించారు. ఎన్నికల నియమావళిని ఉల్లంఘించనందుకు సజ్జలపై కఠిన చర్యలు తీసుకోవాలి’ అచ్చెన్నాయుడు కోరారు.