TDP Mahanadu |40 వేల మంది ప్రతినిధులకు అతిథ్యం

కడపలో టీడీపీ మహానాడు నిర్వహణకు గడువు సమీపిస్తోంది. పార్టీ సీనియర్లు, మంత్రులు నగరంలో మకాం వేశారు. రోజుకు 40 వేల మందికి 22 రకాలతో అల్పాహారం, శాఖాహార భోజనాలు వడ్డించనున్నారు. దీనికోసం పాకశాస్ర్త నిపుణుల సారధ్యంలో దాదాపు 1,500 మంది వంటవాళ్లు రంగంలోకి దిగనున్నారు. తెలుగు రాష్ట్రాల నుంచి వచ్చే ప్రతినిధులకు నగరంతో పాటు శివారు, సమీప పట్టణాల్లో కూడా వసతి సౌకర్యం కల్పించేందుకు ఏర్పాట్లు పూర్తయ్యాయి.

ఈ నెల 27వ తేదీ నుంచి మూడు రోజులపాటు కడపకు సమీపంలో కమలాపురం నియోజకవర్గం చింతకొమ్మదిన్నె మండలం చెర్లోపల్లి-పబ్బాపురం గ్రామాల మధ్య 250 ఎకరాల్లో ఏర్పాట్లు చేస్తున్నారు. టిడిపి జాతీయ అధ్యక్షుడు, సీఎం చంద్రబాబు, పార్టీ కార్యవర్గ సభ్యులు కూర్చునే వేదికతో పాటు ప్రతినిధుల కోసం కలిపి ఒక షడ్ ఏర్పాటు చేశారు చేశారు. అల్పాహారం, భోజనం, విశ్రాంతి, మంచినీరు, వైద్య బృందాలకు ప్రాంగణంలోని వేరువేరుగా ప్రత్యేక వసతులతో ఏర్పాటు చేస్తున్నారు.