టీడీపీ మూడో జాబితా వచ్చేసింది..

టీడీపీ మూడో జాబితాను పార్టీ అధినేత చంద్రబాబు నాయుడు తాజాగా విడుదల చేశారు. ఈ మూడో జాబితాలో 11 అసెంబ్లీ 13 ఎంపీ స్థానాల అభ్యర్థులను ప్రకటించారు. ఇంకా 5 అసెంబ్లీ, 4 ఎంపీ స్థానాల అభ్యర్థులను ప్రకటించాల్సి ఉంది. కాగా వీరిని తదుపరి జాబితాలో విడుదల చేస్తారని కొందరు అంటుంటే మరికొోందరు మాత్రం కూటమిలో భాగంగా ఇతర పార్టీలతో పంచుకోవడానికే ఈ కొన్ని స్థానాలను పెండింగ్ పెట్టారని అనుమానం వ్యక్తం చేస్తున్నారు. అయితే పెండింగ్‌లో ఉన్న స్థానాల్లో అభ్యర్థుల ఎంపి తలపోటుగా మారడంతో వాటిపై ప్రత్యేక సమావేశం నిర్వహించి నిర్ణయం తీసుకోవాలన్న యోచనతోనే చంద్రబాబు వాటిని పక్కన పెట్టారని విశ్లేషకులు అభిప్రాయపడుతున్నారు. మరి వీటిపై త్వరలో ఏమైనా ప్రకటన వస్తుందేమో చూడాలి.