కడపలో టెన్షన్‌..టెన్షన్‌

ఉమ్మడి కడప జిల్లాలో విధినిర్వహణలో ఉన్న ఎంపీడీవోపై దాడి ఇప్పుడు రాష్ట్ర వ్యాప్తంగా సంచలనంగా మారింది. వైఎస్‌ఆర్‌సీపీకి చెందిన నాయకులు ఎంపీడీవో మీద దాడికి దిగడం కలకలం రేపింది. అన్నమయ్య జిల్లా గాలివీడు ఎంపీడీవో జవహర్‌బాబుపైన వైఎస్‌ఆర్‌సీపీ లీగల్‌ సెల్‌ జిల్లా అధ్యక్షుడు సుదర్శన్‌ రెడ్డి, అతని అనుచరులతో కలిసి దాడికి పాల్పడ్డారు. కూటమి ప్రభుత్వం ఈ సంఘటనను చాలా సీరియస్‌గా తీసుకుంది. దాడికి పాల్పడిన వారిపైన కఠిన చర్యలు తీసుకునేందుకు ఇప్పటికే రంగం సిద్ధం చేసింది. నిందితుడు సుదర్శన్‌రెడ్డిని పోలీసులు అదుపులోకి తీసుకున్నారు. ఈడ్చుకుంటూ పోలీస్టేషన్‌కు తీసుకెళ్లారు. ఆంధ్రప్రదేశ్‌ ఉప ముఖ్యమంత్రి పవన్‌ కల్యాణ్‌ ఎంపీడీవో దాడిపైన తీవ్ర ఆగ్రహం వ్యక్తం చేశారు. విధి నిర్వహణలో ఉన్న అధికారిపై దాడికి చేయడాన్ని తీవ్ర నేరంగా పరిగణిస్తున్నట్లు వెల్లడించారు. కూటమి ప్రభుత్వం ఈ ఘటనను సీరియస్‌ తీసుందన్నారు. గాయపడిన ఎంపీడీవో జవహర్‌బాబు ప్రస్తుతం రిమ్స్‌ ఆసుపత్రిలో చికిత్స పోందుతున్నారు. కూటమి ప్రభుత్వ హయాంలో దౌర్జన్యాలు, రౌడీ చర్యలకు తావు లేదని, గాయపడిన ఎంపీడీవోకు మెరుగైన వైద్యం అందించాలని అధికారులను ఆదేశించారు.