Nelloore| హిజ్రాల సంఘం నాయకురాలి హత్య

ఓ హిజ్రా నాయకురాలిని గుర్తుతెలియని వ్యక్తులు హత్య చేశారు. అమ్మవారి గుడికి వెళ్లి పూజలు చేసి తిరిగి వస్తుండగా దారి కాచిన దుండగులు దారుణంగా మారణాయుధాలతో దాడిచేసినట్లు సమాచారం. ఈ సంఘటన నేపథ్యంలో ట్రాన్స్ జెండర్లు తీవ్రంగా స్పందించారు. దీంతో నెల్లూరు GGH (government general hospital) తోపాటు కొన్ని ప్రాంతాల్లో ఉద్రిక్తత ఏర్పడింది. తమ నాయకురాలు హత్యకు గురైన సమాచారం అందుకున్న నెల్లూరు, తిరుపతి నుంచి భారీ సంఖ్యలో హిజ్రాలు జీజీహెచ్ వద్దకు చేరుకుంటున్నారు. ఇప్పటికే భారీ సంఖ్యలో ఆసుపత్రి మార్చురీ వద్దకు చేరుకున్న హిజ్రాలు ధర్నా చేస్తున్నారు.

"తమ నాయకురాలిని హత్య చేసిన దుండగులను అరెస్టు చేయాలి" అని డిమాండ్ చేస్తున్నారు. ఇప్పటికే భారీ సంఖ్యలో హిజ్రాలు నెల్లూరు జిజిహెచ్ వద్దకు చేరుకోవడంతో పోలీసులు కూడా ఊహించని రీతిలో పెద్ద సంఖ్యలో మోహరించారు. అవాంఛనీయ సంఘటనలకు ఆస్కారం లేకుండా పోలీసులు ముందస్తు జాగ్రత్తలు తీసుకున్నారు.