ప్రతి పేదవాడికీ ఇళ్ల పట్టా ఇస్తాం

2019లో ఇక్కడ ఓడిపోయినప్పుడు తొలి రోజు బాధనిపించిందని, తర్వాత రోజు నుంచి కసితో ఇక్కడ పని చేశానని, తన సొంత ఖర్చులతో సంక్షే పథకాలను అందజేశానన్నారు. అందులో భాగంగా అనేక ఉచిత ఆరోగ్య సేవలను అందించామన్నారు. వివాహాల సమయాల్లో వధూవరులకు బట్టలు అందజేశామన్నారు. తాగు నీరు కూడా అందించామన్నారు. రోడ్లు కూడా ఏర్పాటు చేశామన్నారు. కోవిడ్‌ సమయంలో అనేక సేవలు అందించామన్నారు.

2019లో ఏ మెజారితో అయితే ఓడిపోయానో.. దాని పక్కన సున్నా చేరి మెజారిటీ ఇవ్వాలని 2024 ఎన్నికల్లో కోరానని, అంతకు మించి మెజారిటీ మంగళగిరి ప్రజలు ఇచ్చారని అన్నారు. 2024 ఎన్నికల్లో అత్యధిక భారీ మెజారిటీ వచ్చిన స్థానాల్లో మంగళగిరి కూడా ఉందన్నారు. గాజువాక, భీమిలి తర్వాత మంగళగిరి నియోజక వర్గం నిలిచిందన్నారు. 91వేల పైచిలుకు ఓట్ల మెజారిటీతో తనను గెలిపించారని అన్నారు. దీంతో బాధ్యతతో పాటు పని చేయాలనే కసి పెరిగిందన్నారు. స్వచ్ఛత పేరుతో మంగళగిరి మునిసిపాలిటీని నిలిపే విధంగా పని చేస్తున్నామన్నారు. గ్యాస్, విద్యుత్‌ వంటి సేవలు భూగర్భంలో అందించేందుకు ప్రాజెక్టు కూడా సిద్ధమైందన్నారు. జూన్‌ నుంచి దీనిని ప్రారింభిస్తామన్నారు. శ్మశానాల అభివృద్ధి కూడా చేస్తాం. ఏపీలో మోడల్‌ నియోజ వర్గంగా మంగళగిరిని తయారు చేస్తామన్నారు. దీనికి కార్యాచరణ కూడా రూపొందించామన్నారు. మంగళగిరికి 100 పడకల ప్రభుత్వ ఆసుపత్రిని కూడా అందుబాటులోకి తెస్తామన్నారు. ఇలా దాదాపు 50కిపైగా డెవలప్‌మెంట్‌ కార్యక్రమాలు చేపట్టేందుకు ఇప్పటికే కార్యాచరణ రూపొందించినట్లు లోకేష్‌ తెలిపారు.

మంగళగిరి అంటే చేనేత.. చేనేత అంటే మంగళగిరి అని, కానీ చేనేత మగ్గాలు చాలా వరకు తగ్గాయని, దీనికి చెక్‌ పెట్టాల్సి ఉందని, పెంచేందుకు కృషి చేస్తానన్నారు. చేనేతలకు కామన్‌ ఫెసిటీ సెంటర్‌ను ఏర్పాటు చేస్తామన్నారు. స్వర్ణకారుల కోసం కూడా ప్రత్యేక కార్యక్రమాలు చేపడుతామన్నారు. టీడీపీకి కంచుకోటలైన కుప్పం, హిందూపూర్‌ల మాదిరిగా మంగళగిరిని కూడా టీడీపీకి కంచుకోటలా మారుస్తానని మంత్రి లోకేష్‌ అన్నారు. ఇళ్లు లేని పేదలందరికీ బట్టులు, పసుపు కుంకాలతో కలిపి ఇళ్ల పట్టాలు అందజేస్తామన్నారు. దీనిని చూసి తక్కిన నియోజక వర్గాల్లోని ఎమ్మెల్యేల మీద ఒత్తిడి పెరుగుతుందని, ఆ మేరకు కూటమి ఎమ్మెల్యేలు ఇళ్ల స్థలాలు ఇచ్చేందుకు పని చేస్తారని భావిస్తున్నట్లు లోకేష్‌ చెప్పారు.