టీడీపీలో యువరక్తం పారాలి

దేశంలో ఏ పార్టీకి లేని చరిత్ర తెలుగుదేశం పార్టీకి సొంతమని, పార్టీ పెట్టి 9 నెలల్లోనే అధికారం దక్కించుకున్న పార్టీ తెలుగుదేశం పార్టీ అని ముఖ్యమంత్రి, టీడీపీ జాతీయ అధ్యక్షులు నారా చంద్రబాబు నాయుడు అన్నారు. ఎన్టీఆర్‌ మహనీయుడి విజన్‌ తెలుగుదేశం పార్టీ అని అన్నారు. రాజకీయాల్లో ఒక ఆదర్శం కోసం పుట్టిన పార్టీ టీడీపీ అని అన్నారు. మంగళగి టీడీపీ కేంద్ర కార్యాలయంలో శనివారం టీడీపీ 43వ ఆవిర్భావ వేడుకలు ఘనంగా నిర్వహించారు. ఈ సందర్భంగా సీఎం చంద్రబాబు పార్టీ నాయకులు, కార్యకర్తలను ఉద్దేశించి ప్రసంగించారు. తెలుగుదేశం పార్టీ అనేది అధికారంలోకి రాలేదన్నారు. తెలుగుదేశం పార్టీ ఆవేశంతో పుట్టిందని, దీనిని ఏర్పాటు చేస్తున్నట్లు నాటి హైదరాబాద్‌లోని ఎమ్మెల్యే క్వార్టర్స్‌లో నందమూరి తారకరామారావు ప్రకటించారని తెలిపారు. ఎన్టీఆర్‌ ఒక ప్రభంజనం అన్నారు. ఒక ఆవేశంలో పుట్టినా ఆదర్శం కోసం పని చేస్తోందన్నారు. టీడీపీ ఏర్పాటు ఒక సంచలనమన్నారు. ఒక చారిత్రక అవసరం కోసం టీడీపీ ఏర్పాటైందన్నారు. టీడీపీ నెలకొల్పిన రికార్డులను ప్రపంచ చరిత్రలో ఏ పార్టీ కూడా బ్రేక్‌ చేయలేదన్నారు. పార్టీ పెట్టిన కేవలం 9 నెలలో అధికారంలోకి వచ్చిన ప్రపంచంలోనే ఏకైక పార్టీ టీడీపీనే అని అన్నారు.