అక్బరుద్దీన్ అనే నేను...
తెలంగాణ శాసనసభ నూతన ప్రొటెం స్పీకర్ గా ఎంఐఎం ఎమ్మెల్యే అక్బరుద్దీన్ ఒవైసీ ప్రమాణ స్వీకారం చేశారు. ఈరోజు ఉదయం గవర్నర్ తమిళిసై అక్బరుద్దీన్‌తో రాజ్‌భవన్‌లో ..
తెలంగాణ శాసనసభ నూతన ప్రొటెం స్పీకర్ గా ఎంఐఎం ఎమ్మెల్యే అక్బరుద్దీన్ ఒవైసీ ప్రమాణ స్వీకారం చేశారు. ఈరోజు ఉదయం గవర్నర్ తమిళిసై అక్బరుద్దీన్‌తో రాజ్‌భవన్‌లో ప్రమాణ స్వీకారం చేయించారు. ఆ తర్వాత శాసనసభలో ఎమ్మెల్యేలతో ఆయన ప్రమాణ స్వీకారం చేయిస్తారు. అక్బరుద్దీన్ ఆరుసార్లు ఎమ్మెల్యేగా ఎన్నికయ్యారు. ఇవాళ్టి నుంచి 4 రోజుల పాటు తెలంగాణ అసెంబ్లీ సమావేశాలు జరగనున్నాయి.
ప్రొటెం స్పీకర్‌గా ప్రమాణం..
ఎన్నికల తర్వాత జరిగే శాసనసభ తొలి సమావేశాల్లో కొత్తగా ఎన్నికైన ఎమ్మెల్యేలతో ప్రొటెం స్పీకర్ ప్రమాణ స్వీకారం చేయిస్తారు. కొత్తగా ఎన్నికైన సభ్యుల్లో ఎవరు ఎక్కువ సార్లు ఎన్నికైన ఎమ్మెల్యేను ప్రొటెం స్పీకర్‌గా ఉండడం ఆనవాయితీ. శాసనసభకు స్పీకర్‌ను ఎన్నుకునేంత వరకూ ప్రొటెం స్పీకరే బాధ్యతలు నిర్వహిస్తారు.
బీఆర్ఎస్ ముందుకు రాకపోవడంతో...
ప్రస్తుతం అత్యధికంగా 8 సార్లు మాజీ సీఎం, బీఆర్ఎస్ అధినేత కేసీఆర్ ఎమ్మెల్యేగా ఎన్నికయ్యారు. అయితే ఆయన కాలికి గాయమై ఆస్పత్రిలో ఉండడంతో అక్బరుద్దీన్‌ను ప్రొటెం స్పీకర్‌గా ఎంపిక చేశారు. అధికార కాంగ్రెస్‌ పార్టీ సూచన మేరకు ప్రభుత్వం లాంఛనంగా నోటిఫికేషన్ ఇచ్చింది.