అమెరికా బాల్టీమోర్ లో కుప్పకూలిన భారీ వంతెన...ఎలా జరిగిందంటే

అమెరికాలో ఘోర ప్రమాదం జరిగింది. భారీ లోడ్ తో వెళ్తున్న కంటైనర్ నదిలో నిర్మించిన వంతెనను ఢీ కొట్టడంతో దాని పైన ప్రయాణిస్తున్న అనేక వాహనాలు అందులో పడిపోయాయి. ఇప్పటి వరకూ కేవలం ఇద్దరిని రక్షించినట్లు అగ్నిమాపకశాఖ ప్రకటించింది. అసలు ఎంతమంది నదిలో పడిపోయారో వివరాలు తెలియని అధికారులు అంటున్నారు. తమకు అందిన సమాచారం ప్రకారం ౨౦ మంది వ్యక్తులు నదిలో కొట్టుకుపోయినట్లు అనుమానం వ్యక్తం చేశారు. మేరీల్యాండ్ లోని బాల్టిమోర్ వద్ద ఉన్న పటాప్ స్కో నదిపై నిర్మించిన ‘ఫ్రాన్సిస్ స్కాట్’ బ్రిడ్జిని నౌక ఢీ కొట్టింది. అమెరికా కాలమానం ప్రకారం మంగళవారం ఉదయం ఈ దుర్ఘటన సంభవించింది.