ఇజ్రాయెల్ లో నలభై ఎనిమిది గంటల ఎమర్జెన్సీ.. ఎందుకు ?

పశ్చిమాసియాలో మరో యుద్దానికి రంగం సిద్ధమైంది. ఇరాన్ మద్ధతుగల లెబనాన్ ఉగ్రవాద సంస్థ హిజ్బుల్లా ఆదివారం ఇజ్రాయెల్ పై ఏకంగా 320 కత్యూషా రాకెట్లు, క్షిపణులు, డ్రోన్లు ప్రయోగించి యుద్దానికి కాలుదువ్వింది. ఐడీఎఫ్ కి చెందిన మొత్తం 11 ప్రాంతాలపై రాత్రి నిరంతరాయంగా క్షిపణుల వర్షం కురిసిందని టెల్ అవీవ్ సైతం ప్రకటించింది.

ఈ దాడులతో ఇజ్రాయెల్ వ్యాపంగా 48 గంటల పాటు అత్యవసర పరిస్థితిని ప్రకటించారు. విమానాలను దారి మళ్లించారు. అయితే దాడులపై తమకు ఇంతకుముందే సమాచారం ఉందని ఇజ్రాయెల్ పేర్కొంది. హిజ్బూల్లా దక్షిణ లెబనాన్ లోని ప్రాంతం నుంచి దాడులకు పాల్పడే అవకాశం ఉందనే ఇంటలిజెన్స్ సమాచారం ఇచ్చిందని వివరించింది.