కెనడాలో చదువుకోవాలనే విద్యార్థుల సంఖ్య ఎందుకు తగ్గిపోతోంది?

2024లో అంతర్జాతీయ విద్యార్థులపై కెనడా పరిమితి విధించిన కారణంగా దాదాపు 3.6 లక్షల ఆమోదించబడిన స్టడీ పర్మిట్‌లు ఇప్పుడు ఆందోళనకరంగా మారాయి. ఎందుకంటే వారికి విద్య తరువాత పని చేసుకోవడానికి అనుమతి లేదు. ఈ కారణంతో కెనడాకు వెళ్లే విద్యార్థుల సంఖ్య 2023 నుంచి 2024 మధ్య కాలంలో దాదాపు 35 శాతం మేర తగ్గుదల నమోదు చేసుకుంది.

ఉదాహరణకు, ఈ సంవత్సరం సెప్టెంబరు నుంచి, కెనడా జాబ్ పర్మిట్‌లను ఆఫర్ చేయడంపై అభ్యంతరం వ్యక్తం చేసింది. లైసెన్స్ పొందిన కోర్సులను అందిస్తున్న ప్రైవేట్ కళాశాలల్లో చదువుతున్న విద్యార్థులు పోస్ట్-గ్రాడ్యుయేషన్ వర్క్ పర్మిట్‌లకు (PGWPs) అర్హులు కాదు.

2015లో ప్రభుత్వ ఏజెన్సీ అయిన ఇమ్మిగ్రేషన్, రెఫ్యూజీస్, సిటిజెన్‌షిప్ కెనడా (IRCC) ప్రకారం, కెనడా మొత్తం అంతర్జాతీయ విద్యార్థుల జనాభాలో స్టడీ పర్మిట్‌లు కలిగిన భారతీయ విద్యార్థులు కేవలం 14.5 శాతం మాత్రమే ఉన్నారు. కానీ 2023 నాటికి ఈ సంఖ్య 40.7 శాతానికి పెరిగింది.

అయితే ఈ ఏడాది ఆ సంఖ్య తగ్గుతోంది. ఆగస్టు నాటికి, 1,37,445 మంది భారతీయ విద్యార్థులు స్టడీ పర్మిట్‌లను పొందారు, ఇది 2023 నుంచి 4 శాతం తగ్గుదలని సూచిస్తుంది. కెనడాలో ప్రస్తుతం దాదాపు 6,00,000 మంది భారతీయ విద్యార్థులు ఉన్నారు. ఇందులో కొత్త ప్రవేశాలు కూడా ఉన్నాయి. అయితే పరిస్థితి మెరుగుపడకపోతే ఈ సంఖ్య మరింత తగ్గే అవకాశం ఉందని నిపుణులు హెచ్చరిస్తున్నారు.

ఎడ్యుకేషన్ కన్సల్టెంట్స్ ది ఫెడరల్ తో మాట్లాడుతూ.. కెనడాలో ఉన్నత విద్యను కోరుకునే విద్యార్థుల ఆసక్తి బాగా తగ్గింది.ఈ శాతం దాదాపు 70 శాతంగా ఉంది. ఈ ధోరణి కేవలం దౌత్యపరమైన ఉద్రిక్తతల వల్ల మాత్రమే కాదు. వీసాల చుట్టూ ఉన్న అనిశ్చితి, ఉద్యోగ అవకాశాలు, భద్రత వంటి కారణాల వల్ల కూడా చాలా మంది విద్యార్థులను వారు అట్టావా రావడానికి ఒకటికి రెండు సార్లు ఆలోచిస్తున్నారు. ఇదే అంశం ప్రత్యామ్నాయ గమ్యస్థానాలను అన్వేషించడానికి కారణమైంది.

ఎడ్యుకేషన్ కన్సల్టెన్సీ కెరీర్ మొజాయిక్ వ్యవస్థాపకుడు, డైరెక్టర్ అభిజిత్ జవేరి మాట్లాడుతూ.. కెనడాలో విద్యను అభ్యసించడంలో విద్యార్థుల ఆసక్తిలో "గణనీయ క్షీణత" ఉందని ఫెడరల్‌తో చెప్పారు. “2021లో మేము కెనడాలోని విశ్వవిద్యాలయాలలో చేరడానికి సుమారు 1,000 మంది విద్యార్థుల పేర్లను నమోదు చేశాం. ఇది ఆ సమయంలో బలమైన డిమాండ్‌ను ప్రతిబింబిస్తుంది. అయితే, 2024 నాటికి, ఆ సంఖ్య కేవలం 300 మంది విద్యార్థులకు చేరింది. ఇందులో దాదాపు 70 శాతం క్షీణత ఉంది. 2025 నాటికి 200 మంది విద్యార్థులకు చేరుకుంటుందని మేము అంచనా వేస్తున్నాము” అని జవేరి అన్నారు.

దౌత్య సంబంధాలలో స్థిరత్వాన్ని పునరుద్ధరించడం ఈ ధోరణిని తిప్పికొట్టడానికి, కాబోయే విద్యార్థులు, వారి కుటుంబాలలో విశ్వాసాన్ని పునర్నిర్మించడానికి కీలకం అని ఆయన అన్నారు.

వన్‌స్టెప్ గ్లోబల్ వ్యవస్థాపకుడు, డైరెక్టర్ అయిన అరిత్ర ఘోసల్ ఈ అభిప్రాయంతో ఏకీభవించారు. “ దౌత్యపరమైన ఉద్రిక్తతలు, ప్రపంచ అనిశ్చితులు కొన్ని సవాళ్లను సృష్టించాయి. ముఖ్యంగా రిక్రూట్‌మెంట్, మొబిలిటీ చుట్టూ విద్యార్థులు, వారి కుటుంబాలు మరింత జాగ్రత్తగా మారుతున్నాయి. ప్రత్యేకించి కొత్త గా విదేశాల్లో చదువుకోవాలనే  ఆశావహులు ఎక్కువ అనిశ్చితిని అనుభవిస్తున్నారు. తల్లిదండ్రులు, పిల్లల భవిష్యత్తులో స్థిరత్వం,  భద్రత గురించి ఎక్కువ శ్రద్ధ వహిస్తారు” అని ఘోసాల్ అన్నారు.

భారతీయ విద్యార్థులను ఎక్కువ ఆకర్షించే దేశాల జాబితాలో చేరాలంటే ముఖ్యమైన అంశం ఒకటే.. ఒకటి చదువుకుంటూనో లేదా చదువు పూర్తయ్యాకో జాబ్ చేసే అవకాశం ఉన్న దేశాలకు అధిక ప్రాధాన్యం ఇస్తారు. ప్రస్తుతం అలాంటి దేశాలు ఏమైన ఉన్నాయా అని వారు వెతికే పనిలో ఉంటారు. 

సంవత్సరాలుగా కెనడా భారతీయ విద్యార్థులకు ఓ గమ్యస్థానంగా ఉంది. ఎక్కువ మంది విద్యార్థులు ఇప్పుడు జర్మనీ, ఐర్లాండ్‌లోని విశ్వవిద్యాలయాలను ఎంచుకుంటున్నారు. మరికొంతమంది యూఎస్, యూకే వంటి దేశాలను ఎంచుకున్నారు. ‘‘ ఐర్లాండ్, ఫిన్లాండ్, న్యూజిలాండ్, జర్మనీ వంటి దేశాలలో బలమైన ఉద్యోగ మార్కెట్లు, బలమైన పోస్టు స్టడీ వర్క్ వీసాల కారణంగా ప్రజాదరణ పొందుతున్నాయి" అని ఘోషల్ చెప్పారు.

" అనేక మంది ఇప్పుడు యునైటెడ్ స్టేట్స్ వైపు చూస్తున్నారు. దాని విస్తృత శ్రేణి విశ్వవిద్యాలయాలు విస్తృతమైన STEM ప్రోగ్రామ్‌లు, UK, పోస్ట్-స్టడీ వర్క్ వీసా నిబంధనలను సడలించింది, ఇది ఆకర్షణీయమైన ఎంపికగా మారింది," కరణ్ గుప్తా కన్సల్టింగ్ వ్యవస్థాపకుడు కరణ్ గుప్తా , ఫెడరల్ చెప్పారు.

"నెదర్లాండ్స్- స్పెయిన్ కూడా ప్రజాదరణ పొందుతున్నాయి. ముఖ్యంగా ఉత్తర అమెరికా దేశాలతో పోలిస్తే తక్కువ ఖర్చుతో అధిక-నాణ్యత విద్యను కోరుకునే విద్యార్థులకు ఇది గమ్యస్థానంగా ఉంటున్నాయి" గుప్తా అన్నారు.

కెనడాలో వచ్చే ఏడాది ఎన్నికలు జరగబోతున్నందున, ఇమ్మిగ్రేషన్ విధానాలలో సంభావ్య మార్పుల కంటే మెరుగైన మార్పు కోసం ఎడ్యుకేషన్ కన్సల్టింగ్ సంస్థలు జాగ్రత్తగా ఆశావాదాన్ని వ్యక్తం చేశాయి. "అయితే, అంతర్జాతీయ విద్యార్థుల రిక్రూట్‌మెంట్‌పై ప్రభావం కొత్త ప్రభుత్వ ప్రాధాన్యతలపై ఆధారపడి ఉంటుంది, ముఖ్యంగా ఇమ్మిగ్రేషన్, వర్క్ పర్మిట్‌లు, ముఖ్యంగా విద్యార్థుల భద్రతపై ఆధారపడి ఉంటుంది" అని గుప్తా సూచించారు.