రెండు దశాబ్ధాల తరువాత ట్రిపుల్ మర్డర్ కేసును చేధించిన సీబీఐ

కేరళలోని కొల్లాం జిల్లాలలో ఒక మహిళ ఆమె ఇద్దరు కవల ఆడ పిల్లలను(17 రోజుల వయస్సు) చంపిన కేసును 19 సంవత్సరాల తరువాత సీబీఐ ఛేదించింది. ఇద్దరు నిందితులు సైన్యంలో పని చేశారని, హత్య తరువాత పారిపోయారని తెలిసింది.

ఈ నెల 3న సీబీఐకి అందిన సమాచారం ప్రకారం పుదుచ్చేరికి వచ్చి ఇద్దరిని అరెస్ట్ చేసింది. వారు హత్య తరువాత నకిలీ గుర్తింపు కార్డులతో జీవిస్తున్నారు. ఇద్దరు టీచర్లను వివాహం చేసుకున్నారు. పిల్లలు, భార్యతో కొత్త జీవితాలను ప్రారంభించారు.

ఈ ఇద్దరి వ్యక్తుల పేర్లు దివిల్ కుమార్, రాజేశ్ పి, వీరు కొల్లాంలోని ఆంచల్ కు చెందిన వారు. వీరిని అదుపులోకి తీసుకున్న కేంద్ర దర్యాప్తు సంస్థ కొచ్చిలోని కోర్టులో హజరు పరచి పోలీస్ కస్టడీకి తరలించింది. సీబీఐ వీరిని విచారించే అవకాశం ఉన్నట్లు పోలీసులు తెలిపారు.