తొలిరోజే కూల్చేశారు: ఆపై నిలబడ్డారు

ఐదో టెస్ట్ లో అయినా గెలిచి పరువు నిలుపుకుందామని అనుకున్న ఇంగ్లండ్ కు భారత స్పిన్నర్లు షాక్ ఇచ్చారు. ముఖ్యంగా కుల్దీప్ యాదవ్, వందో టెస్ట్ ఆడుతున్న రవిచంద్రన్ అశ్విన్ ఇంగ్లండ్ బ్యాట్స్ మెన్ లకు చుక్కలు చూపించారు. దీంతో ఇంగ్లండో 57.4 ఓవర్లలో కేవలం 218 పరుగులకే ఆలౌట్ అయింది.

తరువాత బ్యాటింగ్ ప్రారంభించిన భారత్ వికెట్ నష్టానికి 135 పరుగులు చేసింది. భారత కెప్టెన్ రోహిత్ శర్మ 52 బ్యాటింగ్, శుభ్ మన్ గిల్ 26 పరుగులతో క్రీజులో ఉన్నారు. యశస్వీ జైశ్వాల్ 57 పరుగులు చేసి పెవిలియన్ చేరాడు. భారత్ ఇంకా 83 పరుగుల వెనకంజలో ఉంది. జైస్వాల్ ఆఫ్ స్పిన్నర్ షోయబ్ బషీర్ బౌలింగ్ ముందుకు వచ్చి ఆడబోయి స్టంప్ ఔట్ అయ్యాడు.