ఆ సంస్థను పున: నిర్మించిన కేంద్ర ప్రభుత్వం

ప్రణాళిక సంఘం స్థానంలో కేంద్ర ప్రభుత్వం తీసుకొచ్చిన నీతి అయోగ్ ను మోదీ ప్రభుత్వం పునర్ నిర్మించింది. ఇందులో నలుగురు పూర్తికాల సభ్యులు, 15 మంది కేంద్ర మంత్రులు, బీజేపీ మిత్రపక్షాలతో సహా, ఎక్స్-అఫీషియో సభ్యులు, ప్రత్యేక ఆహ్వానితులుగా ఉన్నారు. ప్రధానమంత్రి నరేంద్రమోదీ, ఆర్థికవేత్త సుమన్ కె బెరీలు వరుసగా చైర్మన్, వైస్ చైర్మన్ పాత్రలో కొనసాగుతారని అధికారిక వర్గాలు తెలిపాయి. డీఆర్డీఓ మాజీ చీఫ్ వికె సరస్వత్, వ్యవసాయ ఆర్థికవేత్త రమేష్ చంద్, వైద్యుడు వికె పాల్, ఆర్థికవేత్త అరవింద్ వీరమణి కూడా ప్రభుత్వ థింక్-ట్యాంక్‌లో పూర్తికాల సభ్యులుగా కొనసాగుతారు.