‘‘కాంగ్రెస్ దేశ ద్రోహులకు అండగా నిలబడింది’’

కాంగ్రెస్ పార్టీపై ప్రధాని నరేంద్ర మోదీ మరోసారి నిప్పులు చెరిగారు. భారత సైన్యానికి మద్దతు ఇవ్వడానికి బదులుగా, పాకిస్తాన్ పెంచి పోషిస్తున్న ఉగ్రవాదులకు మద్దతు ఇస్తూ వారి భాష మాట్లాడుతోందని ఆయన ఆరోపించారు.

అస్సాంలోని దరంగ్ జిల్లాలోని మంగళ్ డోయ్ లో జరిగిన ఒక కార్యక్రమంలో మోదీ ప్రసంగించారు. ఆ పార్టీ చొరబాటుదారులు, దేశ వ్యతిరేక శక్తులను రక్షిస్తోందని ఆరోపించారు. చొరబాటుదారులు భూమిని ఆక్రమించుకుని, జనాభాను మార్చడానికి చేస్తున్న కుట్రలను బీజేపీ ఎట్టిపరిస్థితుల్లో అంగీకరించబోదని ప్రధాని ఉద్ఘాటించారు.