దేశంలో దర్యాప్తు సంస్థలన్నీ ఆదానీ చేతుల్లోనే

ఇప్పటికే సర్థుబాటు చార్జీల పేరుతో రూ. 17వేల కోట్ల భారం పడుతోందని, ఇంత జరిగినా కేంద్ర, రాష్ట్రాలు ఒక విచారణ కమిషన్‌కు వేయలేదన్నారు. అమెరికాలో చర్యలకు అక్కడి కోర్టులు సిద్ధమయ్యాయి. అరెస్టులు చేసుందుకు సిద్ధమవుతున్నారు. కానీ ఏపీ ప్రభుత్వం కనీస చర్యలు కూడా చేపట్ట లేదన్నారు. అదాని, మోడీలకు సీఎం చంద్రబాబు భయపడుతున్నారని ఎద్దేవా చేశారు. అదాని పేరు కూడా సీఎం ఉచ్చరించ లేదంటే రాష్ట్ర ప్రభుత్వం ఎటువంటి దర్యాప్తు చేయలేదనే విషయం తెలుస్తోందన్నారు. గతంలో ఈ డీల్‌పై టీడీపీ పెద్ద ఎత్తున విమర్శలు చేయడంతో పాటు ఉద్యమాలు కూడా చేసిందని, అధికారంలోకి వచ్చిన తర్వాత ఈ డీల్‌లో అవినీతి జరిగిందని తెలిసినా, ఎందుకు చర్యలు తీసుకోలేదని ప్రశ్నించారు. దీనిపై జాయింట్‌ పార్లమెంటరీ కమిటీ వేసి దర్యాప్తు చేయాలని డిమాండ్‌ చేశారు. ఆంధ్రను అదాని ప్రదేశ్‌ చేశారు. మొత్తం పోర్టులను అమ్మేశారు. జగన్, అదానికి దోచి పెట్టారు. ఇదంతా తెలిసినా కూటమి ప్రభుత్వం ఎందుకు చర్యలు తీసుకోవడం లేదో సమాధానం చెప్పాలన్నారు. జగన్, అదానితో ముడుపులు మాట్లాడుకున్నారు అనడానికి ఆధారాలున్నాయి. లంచాల కోసమే ఆ ఒప్పందంపై సంతకాలు పెట్టారు. లంచాలు తీసుకోకపోతే జగన్‌ తన బిడ్డలపై ప్రమాణం చేసి, తానే స్వయంగా విచారణ జరపాలని ప్రభుత్వాన్ని కోరాలని డిమాండ్‌ చేశారు. అదాని ఉన్నందు వల్లే ఈ డీల్‌పై ఎవరు నోరు విప్పడం లేదన్నారు.