విద్యా శాఖ తీసుకుంటానంటే సీఎం చంద్రబాబు ఆశ్చర్య పోయారు

ఏ శాఖ తీసుకోవాలని అనుకుంటున్నావు.. ఏ శాఖపైన ఇంట్రెస్టు ఉంది..అని సీఎం చంద్రబాబు నన్ను అడిగారు. అందుకు విద్యా శాఖను తీసుకోవలనుకుంటున్నాను. నన్ను విద్యా శాఖ మంత్రిని చేయాలని సీఎంను కోరాను. అప్పుడు సీఎం చంద్రబాబు ఆశ్చర్య పోయారు. విద్యా శాఖ చాలా కష్టమైంది. ఎందుకు అంత కష్టమైన విద్యా శాఖ నీకు. చాలా రిస్క్‌తో కూడుకున్నది. అని సీఎం చంద్రబాబు అన్నారు. విద్యా శాఖ పరిధిలో చాలా సంఘాలు ఉంటాయి. లక్షల సంఖ్యలో విద్యార్థులు ఉంటారు. సమస్యలు చాలా ఉంటాయి. ఇంత సంక్లిష్టమైన విద్యా శాఖలో మార్పులు తీసుకొని రావాలంటే ఐదు సంవత్సరాలు సరిపోవు. కనీసం పదేళ్లు పడుతుంది. అని సీఎం చంద్రబాబు అన్నారు. అంటూ తాను విద్యా శాఖను ఎంచుకున్నప్పుడు జరిగిన చర్చ గురించి మంత్రి నారా లోకేష్‌ చెప్పుకొచ్చారు. అంతేకాకుండా తన మిత్రులు, శ్రేయోభిలాషులు కూడా విద్యా శాఖ వద్దన్నారని చెప్పారు. ఐటీ శాఖ అయితే ఈజీగా ఉంటుంది. సూటు బూట్లు వేసుకున్న వాళ్లతో మాట్లాడొచ్చు. ఇంత కష్టం ఎందుకని వారు వారించారని చెప్పారు. అయితే ఆ సమయంలో వారికి ఇలా చెప్పాను. బయట అందరూ అనుకుంటారు..లోకేష్‌ అనే వ్యక్తి అన్న గారి మనవడు, బాబు గారి కొడుకు.. ఈజీ లైఫ్‌ అని. కానీ నేను ఒక్కటే చెప్పా. టీడీపీ ఎప్పుడూ గెలవని నియోజక వర్గం నుంచి గెలిచా. మంగళగిరి నియోజక వర్గం 1985లో టీడీపీ గెలిచింది. తర్వాత ఇంత వరకు గెలవ లేదు. అలాంటి మంగళగిరిలో పోటీ చేశాను. 2019లో ఓడి పోయాను. కానీ పట్టుదలతో ఐదేళ్లు కష్టపడి 2024 ఎన్నికల్లో ఆంధ్రప్రదేశ్‌ చరిత్రలోనే థర్డ్‌ హైయ్యస్ట్‌ మెజారిటీ సాధించా.