Elephant attack | ఏనుగుల దాడిలో సీఎం బంధువు మృతి

చిత్తూరు జిల్లాలో ఏనుగుల దాడులు ఆగడం లేదు. తాజాగా ఆదివారం వేకువజామున సీఎం చంద్రబాబు సమీప బంధువు, టీడీపీ నేత ఒకరు ఏనుగుల దాడిలో ప్రాణాలు కోల్పోయారు. దీంతో సీఎం స్వగ్రామం నారావారిపల్లెలో విషాదం చోటుచేసుకుంది. మామిడి తోటల్లోకి ప్రవేశించిన ఏనుగులను తరిమికొట్టడానికి వెళ్లిన సందర్భంలో ఈ సంఘటన జరిగింది. వివరాల్లోకి వెళితే..

చంద్రగిరి మండలం రామాపురం, కొంగరపల్లె సమీపంలో ఏనుగులు సంచరిస్తున్నట్లు గ్రామస్తులకు సమాచారం అందింది. దీంతో నారావారిపల్లె ఉపసర్పంచ్, చంద్రగిరి మండల టీడీపీ నేత మారువూరి రాకేష్ చౌదరి కూడా గ్రామస్తులతో కలిసి మామిడి తోటలపై పక్కకు వెళ్లారు. అరుపులు, కేకలు వేస్తూ, ఏనుగుల గుంపును తరమడానికి ప్రయత్నం చేశారు. జనం అరుపులకు మరింత రెచ్చిపోయిన ఏనుగుల మంద తిరగబడినట్లు గ్రామస్తుల కథనం. దీంతో ఏనుగుల దాడి చేస్తాయని గ్రామాస్తులు పరుగులు పెట్టారు. అదే సమయంలో కొందరు గ్రామస్తులు చెట్లపైకి ఎక్కి టార్చ్ లైట్లు ఆఫ్ చేసుకున్నారు.